Ֆերում Լեկ օշարակ 50մգ/5մլ 100մլ №1

Կիրառում Ֆերրում Լեկ օշարակը կիրառվում է հետևյալի համար՝ - Երկաթի թաքնված դեֆիցիտի բուժում: - Երկաթի դեֆիցիտային անեմիայի բուժում: - Երկաթի դեֆիցիտի կանխարգելում հղիության ընթացքում: Ինչպես ընդունել Ֆերրում Լեկ օշարակի դեղաչափը սահմանվում է անհատապես՝ կախված ցուցումներից, հիվանդի տարիքից և կլինիկական իրավիճակից: Օրական դեղաչափը կարելի է բաժանել մի քանի ընդունման կամ ընդունել մեկ անգամ: Օշարակը կարելի է խառնել մրգային կամ բանջարեղենային հյութերի, կամ մանկական սննդի հետ: Առաջարկվող դեղաչափեր. - Երկաթի դեֆիցիտային անեմիա: - 1-ից 12 տարեկան երեխաներ. օրական 5-10 մլ (50-100 մգ երկաթ): - 12 տարեկանից բարձր երեխաներ, մեծահասակներ և կերակրող մայրեր. օրական 10-30 մլ (100-300 մգ երկաթ): - Հղի կանայք. օրական 20-30 մլ (200-300 մգ երկաթ): - Երկաթի թաքնված դեֆիցիտ: - 1-ից 12 տարեկան երեխաներ. օրական 2,5-5 մլ (25-50 մգ երկաթ): - 12 տարեկանից բարձր երեխաներ, մեծահասակներ և կերակրող մայրեր. օրական 5-10 մլ (50-100 մգ երկաթ): - Հղի կանայք. օրական 10 մլ (100 մգ երկաթ): Հակացուցումներ Ֆերրում Լեկ օշարակը հակացուցված է հետևյալ դեպքերում. - Դեղի բաղադրիչների նկատմամբ գերզգայունություն: - Երկաթի ավելցուկ օրգանիզմում (հեմոքրոմատոզ, հեմոսիդերոզ): - Երկաթի օգտագործման մեխանիզմների խանգարում (կապարային անեմիա, սիդերոախրեստիկ անեմիա, թալասեմիա): - Անեմիաներ, որոնք կապված չեն երկաթի դեֆիցիտի հետ (օրինակ՝ հեմոլիտիկ, մեգալոբլաստիկ, պայմանավորված ցիանոկոբալամինի անբավարարությամբ): - Ցածր դոզավորման պատճառով դեղը չպետք է կիրառվի 1 տարեկանից ցածր երեխաների մոտ երկաթի թաքնված դեֆիցիտի բուժման համար: - Հազվագյուտ ժառանգական հիվանդություններ ունեցող հիվանդները, ինչպիսիք են ֆրուկտոզայի ժառանգական անտանելիությունը, գլյուկոզա-լակտոզայի մալաբսորբցիան կամ սախարազա-իզոմալտազայի դեֆիցիտը, չպետք է ընդունեն այս դեղը, քանի որ այն պարունակում է սախարոզա: Պահպանման պայմաններ Դեղը պետք է պահել երեխաներին անհասանելի վայրում՝ ոչ բարձր քան 25 աստիճան C ջերմաստիճանում: