ԱՑՑ էքստրա դհտ դյուրալույծ 600մգ №10

Կիրառում ԱՑՑ 600 (ացետիլցիստեին) դեղամիջոցը կիրառվում է որպես մուկոլիտիկ միջոց՝ խորխը նոսրացնելու և դրա արտազատումը հեշտացնելու համար՝ շնչառական օրգանների հիվանդությունների ժամանակ, որոնք ուղեկցվում են մածուցիկ, դժվարությամբ արտազատվող խորխի առաջացմամբ: Նման հիվանդություններից են սուր և քրոնիկ բրոնխիտը, տրախեիտը, լարինգիտը, սինուսիտը, թոքաբորբը, բրոնխիալ ասթման, բրոնխէկտազները, մուկովիսցիդոզը: Ացետիլցիստեինը կարող է օգտագործվել նաև որպես հակաթույն պարացետամոլի գերդոզավորման դեպքում: Ինչպես ընդունել ԱՑՑ 600 մգ փրփրուն հաբերը նախատեսված են ներքին ընդունման համար՝ ուտելուց հետո: Հաբը պետք է լուծել մեկ բաժակ ջրի մեջ: Պատրաստի լուծույթը պետք է ընդունել անմիջապես լուծվելուց հետո: Բացառիկ դեպքերում թույլատրվում է պատրաստի լուծույթը պահել 2 ժամ: Հավելյալ հեղուկի ընդունումը նպաստում է դեղամիջոցի մուկոլիտիկ ազդեցության ուժեղացմանը: Սուր մրսածության հիվանդությունների դեպքում բուժման կուրսը սովորաբար կազմում է 5-7 օր: Քրոնիկ բրոնխիտի և մուկովիսցիդոզի դեպքում դեղամիջոցը կարող է կիրառվել ավելի երկար ժամանակահատված՝ կանխարգելիչ ազդեցություն ստանալու համար: Հակացուցումներ Դեղամիջոցը հակացուցված է ացետիլցիստեինի կամ դեղամիջոցի այլ բաղադրիչների նկատմամբ գերզգայունության, ստամոքսի և տասներկումատնյա աղիքի խոցային հիվանդության սրացման փուլում, կրծքով կերակրման շրջանում, ինչպես նաև մինչև 2 տարեկան երեխաներին (բացառությամբ հակաթույնի կիրառման դեպքերի): Զգուշությամբ պետք է կիրառել դեղամիջոցը ստամոքսի և տասներկումատնյա աղիքի խոցային հիվանդության անամնեզում, բրոնխիալ ասթմայի, օբստրուկտիվ բրոնխիտի, լյարդային և/կամ երիկամային անբավարարության, հիստամինի անտանելիության (գլխացավի, վազոմոտոր ռինիտի, քորի հնարավոր առաջացման պատճառով), կերակրափողի երակների վարիկոզ լայնացման, արյունախխման, թոքային արյունահոսության, մակերիկամների հիվանդությունների և զարկերակային հիպերտենզիայի դեպքում: Պահպանման պայմաններ Պահել չոր, լույսից պաշտպանված տեղում, երեխաների համար անհասանելի, պոլիպրոպիլենային տուփերում, ոչ ավելի բարձր, քան 30 աստիճան C ջերմաստիճանում: