Սորբիֆեր-դուրուլես դհտ թ/պ 320մգ/60մգ №50

Կիրառում Սորբիֆեր Դուրուլես դեղը կիրառվում է երկաթի դեֆիցիտային անեմիայի բուժման և կանխարգելման, ինչպես նաև երկաթի դեֆիցիտով ուղեկցվող վիճակների դեպքում: Մարմնում երկաթի << դեպո >> ստեղծելու համար խորհուրդ է տրվում դեղը շարունակել ընդունել հեմոգլոբինի կոնցենտրացիայի և էրիթրոցիտների քանակի նորմալացումից հետո ևս առնվազն 1-2 ամիս: Ինչպես ընդունել Սորբիֆեր Դուրուլես հաբերն ընդունում են ներքին: Հաբը չի կարելի բաժանել, ծամել, բերանում պահել կամ ծծել. այն պետք է կուլ տալ ամբողջությամբ՝ ջրով: Հաբերը կարելի է ընդունել ուտելուց առաջ կամ ուտելու ընթացքում՝ կախված ստամոքս-աղիքային տրակտի անհատական հանդուրժողականությունից: Պառկած դիրքում հաբեր չի կարելի ընդունել: Սովորաբար, մեծահասակների և 12 տարեկանից բարձր դեռահասների համար առաջարկվող սկզբնական դոզան կազմում է օրական 2 հաբ: Անհրաժեշտության դեպքում, օրինակ, կողմնակի ռեակցիաների զարգացման դեպքում, դոզան կարող է նվազեցվել մինչև օրական 1 հաբ: Դեղի ընդունման և թեյի, սուրճի, ձվի, կաթնամթերքի, կոպիտ աղացած ալյուրից հացի, հացահատիկի փաթիլների կամ մանրաթելերով հարուստ սննդի օգտագործման միջև պետք է պահպանել առնվազն 2 ժամ ընդմիջում, քանի որ դա կարող է նվազեցնել երկաթի կլանումը: Հակացուցումներ Սորբիֆեր Դուրուլես դեղը հակացուցված է հեմոսիդերոզի, ստամոքս-աղիքային տրակտի ստրիկտուրաների և օբստրուկտիվ հիվանդությունների դեպքում: Այն չպետք է կիրառվի մինչև 12 տարեկան երեխաների մոտ: Պահպանման պայմաններ Դեղը պետք է պահել երեխաներին անհասանելի վայրում՝ 15 աստիճան C-ից 25 աստիճան C ջերմաստիճանում: