Մեդիֆեր կաթիլ 50մգ/մլ 30մլ №1

Կիրառում Մեդիֆեր դեղը կիրառվում է առանց անեմիայի երկաթի դեֆիցիտի (թաքնված երկաթի դեֆիցիտ) և կլինիկորեն արտահայտված երկաթի դեֆիցիտային անեմիայի բուժման համար: Այն օգտագարծվում է նաև երեխաների և մեծահասակների մոտ երկաթի դեֆիցիտային անեմիայի բուժման համար: Ինչպես ընդունել Դեղը նախատեսված է բերանային ընդունման համար (պերօրալ): Օրական դոզան կարող է բաժանվել մի քանի ընդունման կամ ընդունվել մեկ անգամ: Մեդիֆերը պետք է ընդունել ուտելու ընթացքում կամ անմիջապես ուտելուց հետո: Դեղի ճշգրիտ դոզան կարելի է չափել դեղին կից ներդիրում գտնվող չափիչ ներարկիչի օգնությամբ: Դոզան և բուժման տևողությունը կախված են երկաթի դեֆիցիտի աստիճանից: Երեխաների և մեծահասակների մոտ երկաթի դեֆիցիտային անեմիայի բուժումը տևում է մոտավորապես 3-ից 5 ամիս՝ մինչև հեմոգլոբինի (ՀՄ) նորմալ պարունակության հասնելը: Դրանից հետո բուժումը պետք է շարունակել մի քանի շաբաթ՝ երկաթի պաշարները լրացնելու նպատակով առանց անեմիայի երկաթի դեֆիցիտի դեպքի համար նկարագրված դոզայով: Հակացուցումներ - Երկաթի (III) հիդրօքսիդ պոլիմալտոզատի կամ ցանկացած օժանդակ նյութի նկատմամբ հաստատված գերզգայունություն: - Երկաթի գերբեռնվածություն (օրինակ՝ հեմոսիդերոզ, հեմոքրոմատոզ): - Երկաթի օգտագործման խանգարում (օրինակ՝ կապարային անեմիա, սիդերոախրեստիկ անեմիա, թալասեմիա): - Երկաթի դեֆիցիտի հետ չկապված անեմիա (օրինակ՝ հեմոլիտիկ անեմիա կամ մեգալոբլաստային անեմիա՝ պայմանավորված B12 վիտամինի պակասով): - Սախարազայի/իզոմալտազայի դեֆիցիտ, ֆրուկտոզայի անտանելիություն, գլյուկոզա-գալակտոզայի մալաբսորբցիա: Պահպանման պայմաններ Դեղի պիտանելիության ժամկետը 3 տարի է: Բացված սրվակը պետք է օգտագործել 6 ամսվա ընթացքում: Պահել օրիգինալ փաթեթավորմամբ՝ ոչ ավելի բարձր, քան 25 աստիճան C ջերմաստիճանում: