Ալզեպիլ դհտ 5մգ №28

Կիրառում Ալզեպիլ դեղամիջոցը կիրառվում է թեթև և միջին ծանրության ալցհայմերյան տիպի դեմենցիայի սիմպտոմատիկ բուժման համար՝ 18 տարեկանից բարձր չափահաս հիվանդների մոտ: Ինչպես ընդունել Ալզեպիլ դեղամիջոցը խորհուրդ է տրվում ընդունել ներքին ընդունմամբ, օրը մեկ անգամ, երեկոյան քնելուց առաջ, անկախ սննդի ընդունումից: Բուժումը սկսում են օրական 5 մգ դոզայից և շարունակում առնվազն 4 շաբաթ՝ դոնեպեզիլի հավասարակշռված կոնցենտրացիաների հասնելու և թերապիայի վաղ կլինիկական արդյունքը գնահատելու համար: 1 ամիս անց դեղամիջոցի դոզան կարող է ավելացվել մինչև օրական 10 մգ, ինչը առավելագույն առաջարկվող օրական դոզան է: Օրական 10 մգ-ը գերազանցող դոզաները կլինիկական հետազոտություններում չեն ուսումնասիրվել: Աջակցող թերապիան կարող է շարունակվել այնքան ժամանակ, քանի դեռ պահպանվում է թերապևտիկ արդյունքը, որը պետք է պարբերաբար գնահատվի: Թերապևտիկ արդյունքի բացակայության դեպքում պետք է քննարկել բուժումը դադարեցնելու հնարավորությունը: Դեղամիջոցի դադարեցումից հետո կարող է դիտվել բուժման բարենպաստ ազդեցության աստիճանական նվազում: Հակացուցումներ Մի ընդունեք Ալզեպիլ դեղամիջոցը. - եթե ունեք ալերգիա դոնեպեզիլի կամ դեղամիջոցի ցանկացած այլ բաղադրիչի նկատմամբ: - եթե Դուք 18 տարեկանից ցածր եք: - հղիության և կրծքով կերակրման շրջանում: - Դոնեպեզիլը չի կարելի նշանակել ացետիլխոլինէսթերազայի (ԱԽԷ) ինհիբիտորների, խոլինոմիմետիկների և խոլինոբլոկատորների հետ միաժամանակ: - Դեղամիջոցի կիրառումը ծանր լյարդային անբավարարություն ունեցող հիվանդների մոտ չի ուսումնասիրվել: Պահպանման պայմաններ Դեղամիջոցը պետք է պահել երեխաների համար անհասանելի վայրում՝ ոչ բարձր քան 30 աստիճան C ջերմաստիճանում: