Բիլոբիլ դեղապատիճ 40մգ №20

Կիրառում Բիլոբիլ 40 մգ պարկուճները կիրառվում են մեծահասակների մոտ ճանաչողական խանգարումների ախտանշանային բուժման համար: Դեղամիջոցը նաև օգտագործվում է վեստիբուլյար ծագման գլխապտույտի համալիր թերապիայի կազմում՝ որպես օժանդակ բուժում՝ ի լրումն վեստիբուլյար վերականգնման, ինչպես նաև տինիտուսի (ականջներում զանգ կամ աղմուկ) ախտանշանային բուժման համար: Բիլոբիլը նշանակվում է ուղեղի արյան շրջանառության տարիքային խանգարումներ ունեցող անձանց, որոնք ուղեկցվում են ուշադրության և/կամ հիշողության խանգարումներով, մտավոր ունակությունների խանգարմամբ, անհանգստության, վախի, գլխապտույտի, ականջներում աղմուկի և քնի խանգարումներով: Դեղամիջոցը ցուցված է նաև ստորին վերջույթների արյան շրջանառության խանգարումների դեպքերում: Բիլոբիլը բարձրացնում է օրգանիզմի դիմադրողականությունը հիպոքսիայի նկատմամբ, հատկապես գլխուղեղի հյուսվածքների, արգելակում է գլխուղեղի տրավմատիկ կամ տոքսիկ այտուցի զարգացումը, բարելավում է ուղեղային և ծայրամասային արյան շրջանառությունը, ինչպես նաև արյան ռեոլոգիական հատկությունները: Ինչպես ընդունել Բիլոբիլ 40 մգ պարկուճները ընդունում են ներքին՝ օրական 3 անգամ 40 մգ: Բուժման առաջարկվող կուրսը կազմում է առնվազն 3 ամիս: Հակացուցումներ - Բիլոբիլի բաղադրիչների նկատմամբ գերզգայունություն: - Արյան մակարդելիության իջեցում: - Էրոզիվ գաստրիտ: - Ստամոքսի և տասներկումատնյա աղիքի խոցային հիվանդություն՝ սրացման փուլում: - Ուղեղի արյան շրջանառության սուր խանգարումներ: - Սուր միոկարդի ինֆարկտ: - Մանկական տարիք (մինչև 18 տարեկան): - Հղիություն և լակտացիայի շրջան (կրծքով կերակրում)՝ կլինիկական տվյալների բավարար քանակի բացակայության պատճառով: - Հարկավոր է խուսափել գինկգո բիլոբա պարունակող դեղամիջոցների օգտագործումից ներգանգային արյունազեղման զարգացման ռիսկի գործոնների առկայության դեպքում: