Բետասերկ դեղահաբ 16մգ №30

Կիրառում Բետասերկ դեղը կիրառվում է 18 տարեկանից բարձր մեծահասակների մոտ Մենիերի համախտանիշի դեպքում, որը բնութագրվում է հետևյալ հիմնական ախտանիշներով՝ գլխապտույտ (որն ուղեկցվում է սրտխառնոցով/փսխումով), լսողության անկում (լսողության կորուստ), աղմուկ ականջներում: Այն նաև օգտագործվում է վեստիբուլյար գլխապտույտի (վերտիգո) ախտանշանային բուժման համար: Ինչպես ընդունել Դեղը նշանակվում է ներքին ընդունման համար ուտելիս: Դեղաչափը պետք է ընտրել անհատապես՝ կախված բուժման արդյունքից: Միանվագ դեղաչափը կազմում է 8-16 մգ, ընդունման հաճախականությունը՝ օրը 3 անգամ: Բուժումն իրականացվում է երկարատև: 16 մգ հաբերի համար խորհուրդ է տրվում ընդունել 1/2-1 հաբ օրը 3 անգամ: Դիսպեպտիկ ախտանիշների դեպքում բետահիստինը խորհուրդ է տրվում ընդունել ուտելու ընթացքում կամ դրանից հետո: Բարելավումը երբեմն դիտվում է բուժումը սկսելուց միայն մի քանի շաբաթ անց, իսկ լավագույն արդյունքները կարող են ձեռք բերվել մի քանի ամսվա թերապիայից հետո: Հակացուցումներ Գերզգայունություն բետահիստինի կամ դեղի որևէ բաղադրիչի նկատմամբ, ֆեոքրոմոցիտոմա, ստամոքսի և տասներկումատնյա աղիքի խոցային հիվանդություն սրացման փուլում, բրոնխային ասթմա, հղիության I եռամսյակ: Բետասերկը խորհուրդ չի տրվում կիրառել մինչև 18 տարեկան երեխաների մոտ՝ արդյունավետության և անվտանգության վերաբերյալ տվյալների անբավարարության պատճառով: Զգուշությամբ պետք է կիրառել հղիության II և III եռամսյակներում, կրծքով կերակրման շրջանում, ինչպես նաև ստամոքսի կամ տասներկումատնյա աղիքի խոցային հիվանդության անամնեզ ունեցող հիվանդների մոտ: Պահպանման պայմաններ Պահել երեխաների համար անհասանելի վայրում՝ ոչ բարձր քան 25 աստիճան C ջերմաստիճանում: