Ֆիզիոտենզ դեղահաբ 0.2մգ №14

Կիրառում Ֆիզիոտենզ դեղը կիրառվում է մեծահասակների մոտ բարձր արյան ճնշման (զարկերակային հիպերտենզիայի) բուժման համար: Ինչպես ընդունել Ֆիզիոտենզ դեղահաբերն ընդունում են ներքին ընդունման եղանակով, անկախ սննդի ընդունումից, խմելով բավարար քանակությամբ հեղուկի հետ: Շատ դեպքերում սկզբնական դոզան կազմում է 0,2 մգ օրական: Առավելագույն մեկանգամյա դոզան՝ 0,4 մգ է: Առավելագույն օրական դոզան, որը պետք է բաժանել 2 ընդունման, կազմում է 0,6 մգ: Անհրաժեշտ է օրական դոզայի անհատական շտկում՝ կախված հիվանդի կողմից իրականացվող թերապիայի տանելիությունից: Լյարդային անբավարարություն ունեցող հիվանդների համար դոզայի շտկում չի պահանջվում: Հեմոդիալիզի ենթարկվող հիվանդների համար սկզբնական դոզան՝ 0,2 մգ/օր է: Երիկամային անբավարարություն ունեցող հիվանդներին խորհուրդ է տրվում դոզայի զգույշ ընտրություն, հատկապես բուժման սկզբում: Հակացուցումներ Ֆիզիոտենզ-ը հակացուցված է հետևյալ դեպքերում. - Գերզգայունություն ակտիվ նյութի (մոկսոնիդինի) և դեղի այլ բաղադրիչների նկատմամբ: - Անամնեզում անգիոնևրոտիկ այտուց: - Սինուսային հանգույցի թուլության համախտանիշ կամ սինոատրիալ բլոկադա: - Արտահայտված բրադիկարդիա (սրտի զարկերի հաճախականությունը հանգիստ վիճակում՝ րոպեում 50 զարկից պակաս): - Ատրիովենտրիկուլյար բլոկադա II կամ III աստիճանի: - Սուր և քրոնիկ սրտային անբավարարություն (NYHA դասակարգման III և IV ֆունկցիոնալ դաս): - Ծանր լյարդային անբավարարություն: - Կրծքով կերակրման շրջան: - Մինչև 18 տարեկան տարիք (անվտանգության և արդյունավետության վերաբերյալ տվյալների բացակայության պատճառով):