Ամլեսսա դհտ 4մգ/5մգ №30

Կիրառում Ամլեսսա դեղամիջոցը նշանակվում է բարձր արյան ճնշման (հիպերտենզիա) և/կամ սրտի կորոնար անոթների կայուն հիվանդության (վիճակ, երբ սրտին արյան մատակարարումը նվազում կամ արգելափակվում է) բուժման համար: Պացիենտները, ովքեր ընդունում են պերինդոպրիլ և ամլոդիպին, առանձին հաբերի փոխարեն կարող են ընդունել Ամլեսսա դեղամիջոցը, որը պարունակում է երկու բաղադրիչն էլ: Ինչպես ընդունել Ամլեսսան խորհուրդ է տրվում ընդունել օրական մեկ անգամ, բերանացի, առավոտյան նախաճաշից առաջ: Սնունդը նվազեցնում է պերինդոպրիլի վերածումը պերինդոպրիլատի և, հետևաբար, դրա կենսամատչելիությունը: Ամլեսսա ընդունող պացիենտները չպետք է օգտագործեն գրեյպֆրուտի հյութ կամ գրեյպֆրուտներ, քանի որ դրանք կարող են առաջացնել ամլոդիպինի պարունակության աճ արյան մեջ, ինչը կարող է հանգեցնել դեղամիջոցի ճնշումն իջեցնող ազդեցության անկանխատեսելի ուժեղացման: Հակացուցումներ - Գերզգայունություն պերինդոպրիլի (կամ ԱՓՖ-ի ցանկացած այլ ինհիբիտորների), ամլոդիպինի (կամ այլ դիհիդրոպիրիդինների) կամ օժանդակ նյութի նկատմամբ: - Անամնեզում անգիոնևրոտիկ այտուց՝ ԱՓՖ ինհիբիտորների ցանկացած կիրառումից հետո: - Իդիոպաթիկ կամ ժառանգական անգիոնևրոտիկ այտուց: - Ծանր զարկերակային հիպոթենզիա: - Շոկ, ներառյալ կարդիոգեն շոկ: - Ձախ փորոքի արտահոսքի ուղու խցանում (օրինակ՝ արտահայտված աորտալ ստենոզ): - Անկայուն ստենոկարդիա: - Սրտի անբավարարություն սուր միոկարդի ինֆարկտից հետո (առաջին 28 օրվա ընթացքում): - Հղիություն կամ հղիության պլանավորում: - Կրծքով կերակրման շրջան: - Միաժամանակյա նշանակում ալիսկիրեն ակտիվ նյութ պարունակող դեղամիջոցների հետ՝ շաքարային դիաբետով կամ երիկամային անբավարարությամբ պացիենտներին (երիկամային ֆիլտրման արագությունը < 60 մլ/րոպե/1,73 մ2): - Հակացուցված է երեխաների համար: - Զգուշությամբ է կիրառվում երիկամների և լյարդի ֆունկցիայի խանգարումներով պացիենտների, ինչպես նաև տարեց պացիենտների մոտ: