Բետասերկ տաբ,24մգ, №20

Կիրառում Բետասերկ դեղամիջոցը կիրառվում է 18 տարեկանից բարձր մեծահասակների մոտ: - Մենյերի համախտանիշի դեպքում, որը բնութագրվում է հետևյալ հիմնական ախտանիշներով՝ գլխապտույտ (որն ուղեկցվում է սրտխառնոցով/փսխումով), լսողության անկում (խլություն), ականջներում աղմուկ: - Վեստիբուլյար գլխապտույտի (վերտիգո) ախտանշանային բուժման համար: Ինչպես ընդունել Բետասերկ դեղահաբերն ընդունում են պերօրալ (ամբողջությամբ կուլ տալով)՝ մի փոքր ջրով: Ստամոքս-աղիքային տրակտի կողմից կողմնակի ազդեցությունների առաջացման ռիսկը նվազեցնելու համար (հատկապես սրտխառնոցը) խորհուրդ է տրվում դեղամիջոցն ընդունել ուտելու ընթացքում կամ անմիջապես ուտելուց հետո: Բետասերկ 24 մգ դեղահաբերն ունեն ռիսկ (խազ) և կարող են կիսվել՝ կուլ տալը հեշտացնելու համար, բայց ոչ երկու հավասար դոզաների բաժանելու համար: Մեծահասակների օրական դոզան կազմում է 24-48 մգ, հավասարաչափ բաշխված օրվա ընթացքում ընդունելու համար: Դեղաչափը պետք է ընտրել անհատապես՝ կախված ազդեցությունից: Ախտանիշների արտահայտվածության նվազումը երբեմն դիտվում է միայն 2-3 շաբաթ բուժումից հետո: Լավագույն արդյունքները երբեմն ձեռք են բերվում դեղամիջոցի մի քանի ամիս շարունակ ընդունելու դեպքում: Հակացուցումներ Մի ընդունեք Բետասերկ դեղամիջոցը, եթե՝ - Դուք ալերգիա ունեք բետահիստինի դիհիդրոքլորիդի կամ դեղամիջոցի ցանկացած այլ բաղադրիչի նկատմամբ: - Դուք ֆեոքրոմոցիտոմա ունեք (մակերիկամների ուռուցք, որի դեպքում կարող է բարձրանալ զարկերակային ճնշումը): - Դուք 18 տարեկանից ցածր եք (արդյունավետության և անվտանգության վերաբերյալ տվյալների անբավարարության պատճառով): - Դուք հղի եք կամ կերակրում եք կրծքով: