Լիպրիմար դեղահաբ 80մգ №30

Կիրառում Լիպրիմար դեղամիջոցը կիրառվում է առաջնային հիպերխոլեստերինեմիայի և համակցված (խառը) հիպերլիպիդեմիայի դեպքում: Այն օգտագործվում է նաև սրտանոթային հիվանդությունների կանխարգելման համար մեծահասակ հիվանդների մոտ՝ առաջնային սրտանոթային իրադարձությունների զարգացման բարձր ռիսկով, որպես այլ ռիսկի գործոնների շտկման լրացում: Իշեմիկ սրտի հիվանդություն ունեցող հիվանդների մոտ սրտանոթային բարդությունների երկրորդային կանխարգելումը նույնպես հանդիսանում է Լիպրիմարի օգտագործման ցուցում՝ մահացության, միոկարդի ինֆարկտի, ինսուլտների, ստենոկարդիայի պատճառով կրկնակի հոսպիտալացումների և ռևասկուլյարիզացիայի անհրաժեշտության նվազեցման նպատակով: Ինչպես ընդունել Առաջնային հիպերխոլեստերինեմիայի և համակցված (խառը) հիպերլիպիդեմիայի դեպքում հիվանդների մեծամասնության համար Լիպրիմար դեղամիջոցի առաջարկվող դոզան կազմում է 10 մգ օրը մեկ անգամ: Բուժական ազդեցությունը դրսևորվում է 2 շաբաթվա ընթացքում և սովորաբար հասնում է առավելագույնի 4 շաբաթ հետո, երկարատև բուժման դեպքում ազդեցությունը պահպանվում է: Հոմոզիգոտ ընտանեկան հիպերխոլեստերինեմիայի դեպքում դեղամիջոցը նշանակվում է մեծ մասամբ 80 մգ օրը մեկ անգամ դոզայով: Հետերոզիգոտ ընտանեկան հիպերխոլեստերինեմիայի դեպքում սկզբնական դոզան կազմում է 10 մգ/օր: Հակացուցումներ Լիպրիմարը հակացուցված է դեղամիջոցի ցանկացած բաղադրիչի նկատմամբ գերզգայունության դեպքում: Այն չի կարելի կիրառել նաև լյարդի ակտիվ հիվանդության կամ արյան պլազմայում լյարդի տրանսամինազների ակտիվության անհայտ ծագման բարձրացման դեպքում, որն ավելի քան 3 անգամ գերազանցում է նորմայի վերին սահմանը: Դեղամիջոցը հակացուցված է մինչև 18 տարեկան անձանց՝ այս տարիքային խմբում արդյունավետության և անվտանգության վերաբերյալ կլինիկական տվյալների անբավարարության պատճառով: Լիպրիմարի կիրառումը հակացուցված է հղիության և կրծքով կերակրման շրջանում: