Ատորվաստատին դեղահաբ 40մգ №30
Ընտրեք տարբերակը
Քանակ
Կիրառում Ատորվաստատինը կիրառվում է առաջնային հիպերխոլեստերինեմիայի (հետերոզիգոտ ընտանեկան և ոչ ընտանեկան հիպերխոլեստերինեմիա (Ֆրեդրիկսոնի դասակարգմամբ IIa տիպ)), համակցված (խառը) հիպերլիպիդեմիայի (Ֆրեդրիկսոնի դասակարգմամբ IIa և IIb տիպեր), դիսբետալիպոպրոտեինեմիայի (Ֆրեդրիկսոնի դասակարգմամբ III տիպ) դեպքերում՝ որպես դիետայի լրացում: Դեղը ցուցված է նաև ընտանեկան էնդոգեն հիպերտրիգլիցերիդեմիայի (Ֆրեդրիկսոնի դասակարգմամբ IV տիպ), դիետակայուն, և հոմոզիգոտ ընտանեկան հիպերխոլեստերինեմիայի դեպքերում, երբ դիետոթերապիան և բուժման այլ ոչ դեղաբանական մեթոդներն անբավարար արդյունավետություն ունեն: Ինչպես ընդունել Ատորվաստատինի դեղաչափման ռեժիմը սահմանվում է անհատապես՝ կախված ԼՊՆՊ խոլեստերինի սկզբնական մակարդակից, թերապիայի նպատակից և հիվանդի արձագանքից բուժմանը: Սկզբնական դեղաչափը սովորաբար կազմում է 10 մգ օրական 1 անգամ: Դեղաչափը կարող է տատանվել 10 մգ-ից մինչև 80 մգ օրական 1 անգամ: Դեղը կարելի է ընդունել օրվա ցանկացած ժամի՝ անկախ սնունդի ընդունումից: Հակացուցումներ Ատորվաստատինը հակացուցված է դեղի բաղադրիչների նկատմամբ գերզգայունության, լյարդի ակտիվ հիվանդությունների կամ անհայտ ծագման << լյարդային >> տրանսամինազների ակտիվության կայուն բարձրացման դեպքում (նորմայի վերին սահմանի համեմատ ավելի քան 3 անգամ): Հակացուցումներ են նաև հղիությունը, կրծքով կերակրման շրջանը և մինչև 18 տարեկան տարիքը (արդյունավետության և անվտանգության վերաբերյալ տվյալները բավարար չեն): Զգուշությամբ դեղը կիրառվում է լյարդի ֆունկցիայի խանգարումների և քրոնիկ ալկոհոլիզմի դեպքում: