Տրինոմիա դպճ 100մգ/20մգ/2,5մգ №28

Կիրառում << Տրինոմիա >> դեղամիջոցը կիրառվում է մեծահասակ հիվանդների մոտ սիրտ-անոթային բարդությունների երկրորդային կանխարգելման համար: Այն ցուցված է որպես փոխարինող թերապիա այն մեծահասակ հիվանդների մոտ, ովքեր նախկինում բուժվել են մոնոկոմպոնենտ դեղամիջոցներով (ացետիլսալիցիլաթթու, ատորվաստատին, ռամիպրիլ) համարժեք թերապևտիկ դեղաչափերով և ում վիճակը համապատասխան կերպով վերահսկվել է: Ինչպես ընդունել << Տրինոմիա >> պինդ պարկուճները նախատեսված են բերանային կիրառման համար: Դեղը պետք է ընդունել բերանով՝ օրական մեկ պարկուճ, նախընտրելի է ուտելուց հետո: Պարկուճը պետք է կուլ տալ ամբողջությամբ՝ խմելով բավարար քանակությամբ հեղուկ: Պարկուճը չի կարելի ծամել, մանրացնել կամ բացել: << Տրինոմիա >> դեղամիջոցով բուժման ընթացքում խորհուրդ չի տրվում օգտագործել գրեյպֆրուտի հյութ: Բուժումը պետք է սկսել բժշկի հսկողության ներքո: Հակացուցումներ - Գերզգայունություն ակտիվ նյութերի (ացետիլսալիցիլաթթու, ատորվաստատին, ռամիպրիլ) կամ դեղամիջոցի այլ բաղադրիչների, այլ սալիցիլատների, ոչ ստերոիդային հակաբորբոքային դեղամիջոցների (ՈՍՀԴ), ԱՓՖ-ի այլ ինհիբիտորների կամ տարտrazինի նկատմամբ: - Գերզգայունություն սոյայի կամ գետնանուշի նկատմամբ: - Անամնեզում ասթմա կամ այլ ալերգիկ ռեակցիաներ, որոնք առաջացել են ացետիլսալիցիլաթթվի կամ այլ ոչ ստերոիդային անալգետիկների/հակաբորբոքային միջոցների օգտագործումից: - Սուր պեպտիկ խոցեր: - Հեմոֆիլիա և արյան մակարդման այլ խանգարումներ (թրոմբոցիտոպենիա, հեմոռագիկ դիաթեզ): - Երիկամային և լյարդային անբավարարություն ծանր աստիճանի: - Հակացուցված է հեմոդիալիզ ստացող հիվանդներին: - Հղիություն և կրծքով կերակրման շրջան: - Մանկական և դեռահասության տարիք՝ մինչև 18 տարեկան: - Միաժամանակյա օգտագործում ցիկլոսպորինի հետ (ռաբդոմիոլիզի զարգացման ռիսկի պատճառով): Պահպանման պայմաններ Պահել ոչ բարձր, քան 25 աստիճան С ջերմաստիճանում: Հատուկ պահպանման պայմաններ չի պահանջում: Պահել երեխաների համար անհասանելի վայրում: Պիտանելիության ժամկետը 3 տարի է: Չօգտագործել պիտանելիության ժամկետը լրանալուց հետո: