Լիվազո դեղահաբ 2մգ №28

Կիրառում Լիվազո դեղամիջոցը ցուցված է մեծահասակների, դեռահասների և 6 տարեկանից բարձր երեխաների մոտ ընդհանուր խոլեստերինի (ԸԽ) և ցածր խտության լիպոպրոտեինների խոլեստերինի (ՑԽԼՊԽ) բարձր մակարդակը նվազեցնելու համար՝ առաջնային հիպերխոլեստերինեմիայի, ներառյալ հետերոզիգոտ ընտանեկան հիպերխոլեստերինեմիայի (Ֆրեդրիքսոնի դասակարգման IIa տիպի հիպերլիպիդեմիա), կամ խառը հիպերխոլեստերինեմիայի (Ֆրեդրիքսոնի դասակարգման IIb տիպի հիպերլիպիդեմիա), ինչպես նաև հիպերտրիգլիցերիդեմիայի (Ֆրեդրիքսոնի դասակարգման IV տիպի հիպերլիպիդեմիա) դեպքում՝ որպես դիետայի լրացում, երբ դիետան և այլ ոչ դեղորայքային բուժման մեթոդները (օրինակ՝ ֆիզիկական վարժություններ, քաշի նվազեցում) անբավարար են: Ինչպես ընդունել Սկզբնական դոզան, որպես կանոն, կազմում է օրական 1 մգ: Առավելագույն օրական դոզան 4 մգ է, իսկ երիկամային և լյարդային անբավարարություն ունեցող հիվանդների մոտ՝ ոչ ավելի, քան 2 մգ: Ցանկալի է հաբն ընդունել օրվա նույն ժամին, ավելի լավ է երեկոյան, լիպիդային փոխանակության ցիրկադային ռիթմին համապատասխան: Հակացուցումներ - Գերզգայունություն պիտավաստատինի, դեղամիջոցի օժանդակ բաղադրիչների և ՀՄԳ-ԿոԱ-ռեդուկտազայի այլ ինհիբիտորների (ստատինների) նկատմամբ: - Լյարդի ծանր անբավարարություն (Չայլդ-Պյուի սանդղակով 9 բալից ավելի) կամ Չայլդ-Պյուի դասակարգման C դաս, լյարդի հիվանդություններ ակտիվ փուլում, ներառյալ արյան շիճուկում լյարդի տրանսամինազների ակտիվության կայուն բարձրացում (ՆՍՎ-ի համեմատ ավելի քան 3 անգամ): - Միոպաթիա: - Ցիկլոսպորինի միաժամանակյա ընդունում: - Հղիություն, կրծքով կերակրման շրջան, վերարտադրողական տարիքի կանանց մոտ հակաբեղմնավորման համարժեք մեթոդների բացակայություն: - Մինչև 18 տարեկան (արդյունավետությունը և անվտանգությունը հաստատված չեն): Պահպանման պայմաններ Պահել լույսից պաշտպանված, երեխաների համար անհասանելի տեղում, ոչ ավելի բարձր, քան 25 աստիճան C ջերմաստիճանում: