Էնալապրիլ դեղահաբ 10մգ №20

Կիրառում: Էնալապրիլը կիրառվում է զարկերակային գերճնշման (որպես մոնոթերապիա, այնպես էլ այլ հիպոտենզիվ միջոցների, ներառյալ թիազիդային միզամուղների հետ համակցված), սրտային անբավարարության, ինչպես նաև ձախ փորոքի ասիմպտոմատիկ դիսֆունկցիայի (արտամղման ֆրակցիա ≤35%) դեպքում՝ կորոնար իշեմիայի կանխարգելման համար: Ինչպես ընդունել: Էնալապրիլն ընդունում են ներքին, անկախ սննդի ընդունումից: Դոզան անհատապես է ընտրվում յուրաքանչյուր հիվանդի համար: Էնալապրիլի սկզբնական դոզան կազմում է 10-20 մգ օրական մեկ անգամ՝ կախված զարկերակային գերճնշման (ԶԳ) ծանրության աստիճանից: Թեթև ԶԳ դեպքում առաջարկվող սկզբնական դոզան կազմում է 10 մգ օրական մեկ անգամ: ԶԳ-ի այլ ծանրության աստիճանների դեպքում սկզբնական դոզան կազմում է 20 մգ օրական մեկ անգամ: Էնալապրիլի պահպանող դոզան սովորաբար կազմում է 20 մգ օրական մեկ անգամ: Առավելագույն օրական դոզան չպետք է գերազանցի 40 մգ: Հակացուցումներ: - Բարձր զգայունություն էնալապրիլի կամ դեղամիջոցի այլ բաղադրիչների, ինչպես նաև ցանկացած այլ ԱՓՖ ինհիբիտորի նկատմամբ: - Անամնեզում անգիոնևրոտիկ այտուցի առկայություն՝ կապված ԱՓՖ ինհիբիտորների կիրառման հետ: - Ժառանգական կամ իդիոպաթիկ անգիոնևրոտիկ այտուց: - Հղիություն կամ հղիության պլանավորման շրջան: - Լակտացիայի (կրծքով կերակրման) շրջան: - Մինչև 18 տարեկան երեխաների և դեռահասների տարիք: - Ալիսկիրեն պարունակող դեղամիջոցների միաժամանակյա կիրառումը շաքարային դիաբետով կամ երիկամային ֆունկցիայի խանգարումներով հիվանդների մոտ (կրեատինինի քլիրենս < 60 մլ/րոպե/1,73 մ2): - Երկկողմանի երիկամային զարկերակների ստենոզ կամ միակ երիկամի երիկամային զարկերակի ստենոզ: - Հիպերկալիեմիա: - Պորֆիրիա: Պահպանման պայմաններ: Դեղը պետք է պահել 2-ից 8 աստիճան Ս ջերմաստիճանում: