Էնալապրիլ դեղահաբ 20մգ №20

Կիրառում: Էնալապրիլը կիրառվում է զարկերակային գերճնշման (այդ թվում՝ երիկամային անոթային), քրոնիկական սրտային անբավարարության (համակցված թերապիայի կազմում) դեպքում: Այն նաև օգտագործվում է ձախ փորոքի ասիմպտոմատիկ դիսֆունկցիա ունեցող պացիենտների մոտ կլինիկորեն արտահայտված սրտային անբավարարության զարգացումը կանխելու համար (համակցված թերապիայի կազմում) և ձախ փորոքի դիսֆունկցիա ունեցող պացիենտների մոտ կորոնար իշեմիան կանխելու համար՝ սրտամկանի ինֆարկտի զարգացման հաճախականությունը նվազեցնելու և անկայուն ստենոկարդիայի պատճառով հոսպիտալացումների հաճախականությունը նվազեցնելու նպատակով: Ինչպես ընդունել: Ներքին ընդունման դեպքում սկզբնական դոզան կազմում է 2.5-5 մգ օրը 1 անգամ: Միջին դոզան՝ 10-20 մգ/օրը 2 ընդունմամբ: Ներքին ընդունման առավելագույն օրական դոզան կազմում է 80 մգ: Հակացուցումներ: Հակացուցումներն են. - անգիոնևրոտիկ այտուց անամնեզում - երիկամային զարկերակների երկկողմանի ստենոզ կամ միակ երիկամի երիկամային զարկերակի ստենոզ - հիպերկալիեմիա - պորֆիրիա - միաժամանակյա կիրառում ալիսկիրենի հետ շաքարային դիաբետով կամ երիկամների ֆունկցիայի խանգարում ունեցող պացիենտների մոտ (ԿԿ <60 մլ/րոպե) - հղիություն - լակտացիայի շրջան (կրծքով կերակրում) - մինչև 18 տարեկան երեխաների և դեռահասների տարիք - բարձր զգայունություն էնալապրիլի և ԱՓՖ այլ ինհիբիտորների նկատմամբ: