Խարտիլ ամլո պարկուճ 10մգ/5մգ №30
Ընտրեք տարբերակը
Քանակ
Կիրառում Հարտիլ Ամլոն կարող է օգտագործվել բարձր արյան ճնշում (հիպերտենզիա) ունեցող հիվանդների բուժման համար, որոնց մոտ երկու դեղամիջոցներն առանձին, միաժամանակ ընդունված նույն դոզաներով, ինչպես կոմբինացիայում, ցուցաբերում են համարժեք ազդեցություն: Դեղամիջոցն օգտագործվում է որպես փոխարինող թերապիա մեծահասակ հիվանդների մոտ զարկերակային հիպերտենզիայի ժամանակ, որոնց արյան ճնշումը համարժեքորեն վերահսկվում էր միաժամանակ ընդունվող երկու անհատական դեղամիջոցներով՝ նույն թերապևտիկ դոզաներով, ինչպես կոմբինացված դեղամիջոցում: Ինչպես ընդունել Միշտ ընդունեք Հարտիլ Ամլոն բժշկի նշանակմամբ: Եթե ինչ-որ բանում վստահ չեք, խորհրդակցեք բուժող բժշկի կամ դեղագործի հետ: Սովորաբար խորհուրդ տրվող դոզան կազմում է 1 պատիճ՝ բժշկի կողմից նշանակված դեղաչափով: Կախված թերապևտիկ էֆեկտից, ձեր բուժող բժիշկը կարող է փոխել դոզան: Առավելագույն դոզան կազմում է 1 պատիճ՝ 10/10 մգ դեղաչափով, օրը մեկ անգամ: Հարտիլ Ամլոն պետք է ընդունել օրվա նույն ժամին, ամեն օր բուժման ընթացքում, ինչպես ուտելուց առաջ, այնպես էլ հետո: Պատիճները չպետք է մանրացնել կամ ծամել: Այս դեղամիջոցը չպետք է ընդունել գրեյպֆրուտի հյութի հետ: Լյարդի և երիկամների հիվանդությունների դեպքում դեղաչափը կարող է փոփոխվել: Բժիշկը կնվազեցնի դեղամիջոցի սկզբնական դոզան և կդանդաղեցնի անհրաժեշտ դեղաչափի ընտրությունը տարեցների համար: Խորհուրդ չի տրվում նշանակել Հարտիլ Ամլոն շատ ծեր և թույլ հիվանդներին: Եթե մոռացել եք ընդունել Հարտիլ Ամլոն, մի անհանգստացեք և մի ընդունեք մոռացված դոզան: Հաջորդ անգամ ընդունեք դեղամիջոցի սովորական դոզան սովորական ժամին: Մի ընդունեք կրկնակի դոզա՝ բաց թողնված դոզան լրացնելու համար: Հակացուցումներ Մի ընդունեք Հարտիլ Ամլոն հետևյալ դեպքերում: - Եթե դուք ալերգիա ունեք ռամիպրիլի, ամլոդիպինի (ակտիվ նյութեր), կալցիումական անցուղիների ցանկացած այլ պաշարիչի կամ ԱՓՖ ինհիբիտորի, ինչպես նաև դեղամիջոցի ցանկացած այլ բաղադրիչի նկատմամբ: Ալերգիկ ռեակցիայի նշաններ կարող են լինել ցանը, մաշկի կարմրությունը, կլման դժվարությունները կամ շնչառության խանգարումները: