Ցերոտեքս սրվակ 250մգ/մլ 4մլ №5

Կիրառում Ցերոտեքս դեղը նախատեսված է մեծահասակների մոտ օգտագործման համար հետևյալ պայմաններում. - Գլխուղեղի արյան շրջանառության խանգարումներ իշեմիկ տիպի (սուր և վերականգնողական շրջան) և հեմոռագիկ տիպի (վերականգնողական շրջան): - Հոգեօրգանական համախտանիշ գլխուղեղի ինվոլյուցիոն և դեգեներատիվ գործընթացների ֆոնի վրա: - Ցերեբրովասկուլյար անբավարարության հետևանքներ կամ առաջնային և երկրորդային ճանաչողական խանգարումներ տարեցների մոտ, որոնք բնութագրվում են հիշողության խանգարումով, գիտակցության մթագնումով, ապակողմնորոշմամբ, մոտիվացիայի և նախաձեռնողականության նվազմամբ, ուշադրության կենտրոնացման նվազմամբ: - Վարքի և աֆեկտիվ ոլորտի խանգարումներ ծերության շրջանում. էմոցիոնալ լաբիլություն, բարձր գրգռվածություն, հետաքրքրության նվազում; ծերունական պսևդոմելանխոլիա: - Մուլտիինֆարկտային դեմենցիա: Ինչպես ընդունել Ցերոտեքսը ներարկվում է ներերակային (կաթիլային) կամ միջմկանային (դանդաղ) եղանակով՝ օրական 1000 մգ դոզայով: Ներերակային ներարկման դեպքում մեկ ամպուլի (4 մլ) պարունակությունը լուծվում է 50 մլ 0,9% նատրիումի քլորիդի լուծույթում: Ինֆուզիայի արագությունը պետք է կազմի րոպեում 60-80 կաթիլ: Բուժման տևողությունը սովորաբես կազմում է 10 օր: Անհրաժեշտության դեպքում բուժումը կարող է շարունակվել բժշկի նշանակմամբ՝ կախված կլինիկական պատկերից, հիվանդության ընթացքի առանձնահատկություններից, տարիքից և դեղի տանելիությունից: Հիվանդի վիճակի կայունացումից հետո հնարավոր է դեղի բերանային ձևերով բուժման շարունակումը: Դոզաները կարող են ավելացվել բուժող բժշկի հայեցողությամբ: Հակացուցումներ - Գերզգայունություն ակտիվ նյութի (խոլինի ալֆոսցերատ) նկատմամբ: - Հղիության շրջան: - Կրծքով կերակրման շրջան: - Մինչև 18 տարեկան երեխաների և դեռահասների տարիք: