Գլիատիլին սրվակ 1000մգ/4մլ №3

Կիրառում Գլիատիլինը կիրառվում է ուղեղի արյան շրջանառության խանգարումների դեպքում. - իշեմիկ տիպի (սուր և վերականգնողական շրջաններում); - հեմոռագիկ տիպի (վերականգնողական շրջանում): Այն նաև ցուցված է հոգեօրգանական համախտանիշի դեպքում՝ ուղեղի ինվոլյուցիոն և դեգեներատիվ գործընթացների ֆոնին, ցերեբրովասկուլյար անբավարարության հետևանքների կամ տարեց մարդկանց մոտ առաջնային և երկրորդային ճանաչողական խանգարումների դեպքում, որոնք բնութագրվում են հիշողության խանգարմամբ, գիտակցության շփոթվածությամբ, ապակողմնորդմամբ, մոտիվացիայի և նախաձեռնողականության նվազմամբ, ինչպես նաև ուշադրության կենտրոնացման նվազմամբ: Դեղամիջոցը արդյունավետ է վարքի և աֆեկտիվ ոլորտի խանգարումների դեպքում ծերունական տարիքում (էմոցիոնալ լաբիլություն, բարձր գրգռվածություն, հետաքրքրության նվազում, ծերունական կեղծ մելանխոլիա) և բազմաինֆարկտային դեմենցիայի դեպքում: Ինչպես ընդունել Մեծահասակներին սուր վիճակներում դեղամիջոցը ներարկվում է ներմկանային՝ օրական 1000 մգ դոզայով (1 ամպուլա) կամ ներերակային՝ օրական 1000-3000 մգ դոզայով: Ներերակային ներարկման դեպքում մեկ ամպուլայի պարունակությունը (4 մլ) լուծվում է 50 մլ ֆիզիոլոգիական լուծույթում, ինֆուզիայի արագությունը կազմում է րոպեում 60-80 կաթիլ: Բուժման տևողությունը սովորաբար կազմում է 10 օր, սակայն անհրաժեշտության դեպքում կարող է երկարաձգվել մինչև դրական դինամիկայի հայտնվելը և պարկուճներով ներքին ընդունման անցնելու հնարավորությունը: Հակացուցումներ Դեղամիջոցը հակացուցված է հետևյալ դեպքերում. - բաղադրիչների նկատմամբ գերզգայունություն; - հղիություն; - կրծքով կերակրման շրջան: Նաև խորհուրդ չի տրվում կիրառել մինչև 18 տարեկան երեխաների և դեռահասների մոտ՝ բավարար տվյալների բացակայության պատճառով: Պահպանման պայմաններ Պահել ոչ բարձր քան 25 աստիճան C ջերմաստիճանում: