Կորտեքսին լիոֆիլիզատ սրվակ մ/մ 10մգ №10

Կիրառում: Կորտեքսինն ունի նոոտրոպ, նեյրոպաշտպանիչ, հակաօքսիդանտ և հյուսվածքային-սպեցիֆիկ ազդեցություն: Դեղը կիրառվում է համալիր թերապիայում գլխուղեղի արյան շրջանառության խանգարումների, գլխուղեղի տրավմատիկ վնասվածքի և դրա հետևանքների, ինչպես նաև տարբեր ծագման էնցեֆալոպաթիաների դեպքում: Երեխաների և դեռահասների մոտ Կորտեքսինը ցուցված է ուսումնառության նվազած ունակության, ճանաչողական խանգարումների (հիշողության և մտածողության խանգարումներ), էպիլեպսիայի, հոգեշարժական և խոսքի զարգացման հետաձգման, ինչպես նաև մանկական ուղեղային կաթվածի տարբեր ձևերի դեպքում՝ համալիր թերապիայի կազմում: Մեծահասակների մոտ կիսագնդային իշեմիկ ինսուլտի ժամանակ կիրառվում է սուր և վաղ վերականգնողական շրջաններում: Ինչպես ընդունել: Դեղը ներարկվում է միջմկանային: Ներարկումից առաջ սրվակի պարունակությունը լուծում են 1-2 մլ 0,5% պրոկաինի (նովոկաինի) լուծույթում, ներարկման համար ջրում կամ 0,9% նատրիումի քլորիդի լուծույթում՝ ասեղը ուղղելով սրվակի պատին՝ փրփրագոյացումից խուսափելու համար: Ներարկվում է օրական մեկ անգամ: - Մեծահասակներին՝ 10 մգ դոզայով 10 օրվա ընթացքում: - Կիսագնդային իշեմիկ ինսուլտի դեպքում (մեծահասակներին)՝ 10 մգ դոզայով օրական 2 անգամ (առավոտյան և ցերեկը) 10 օրվա ընթացքում, կրկնակի կուրսով՝ 10 օր հետո: - Երեխաներին՝ մինչև 20 կգ մարմնի քաշի դեպքում՝ 0,5 մգ/կգ դոզայով, ավելի քան 20 կգ մարմնի քաշի դեպքում՝ 10 մգ դոզայով 10 օրվա ընթացքում: - Անհրաժեշտության դեպքում կրկնակի կուրս անցկացվում է 3-6 ամիս հետո: Որպես լուծիչ 0,5% պրոկաինի (նովոկաինի) լուծույթ օգտագործելիս պետք է հետևել պրոկաինի (նովոկաինի) կիրառման հրահանգում շարադրված հակացուցումների, նախազգուշական միջոցառումների և տարիքային սահմանափակումների մասին տեղեկատվությանը: Հակացուցումներ: - Հղիություն: - Կրծքով կերակրման շրջան: - Դեղամիջոցի բաղադրիչների նկատմամբ անհատական անտանելիություն: