Ցիտոլեպտ սրվակ 125մգ/մլ 4մլ №5

Կիրառում Ցիտոլեպտ դեղամիջոցը կիրառվում է գլխուղեղի վնասվածքների դեպքում սուր (բարդ թերապիայի կազմում) և վերականգնողական շրջաններում: Այն նաև օգտագործվում է գլխուղեղի դեգեներատիվ և անոթային հիվանդություններով պայմանավորված ճանաչողական և վարքային խանգարումների ժամանակ: Ցուցումներն են իշեմիկ ինսուլտի և գլխուղեղի տրավմատիկ վնասվածքի (ԳՏՎ) սուր շրջանը, ինչպես նաև իշեմիկ և հեմոռագիկ ինսուլտների վերականգնողական շրջանը և ԳՏՎ-ի վերականգնողական շրջանը: Ինչպես ընդունել Ցիտոլեպտը ներարկվում է ներերակային դանդաղ շիթով (3-5 րոպեի ընթացքում՝ կախված դեղաչափից) կամ կաթիլային եղանակով (ինֆուզիայի արագությունը՝ րոպեում 40-60 կաթիլ): Ներերակային ներարկման ճանապարհը նախընտրելի է ներմկանայինից: Մշտական ներգանգային արյունազեղման դեպքում խորհուրդ չի տրվում գերազանցել օրական 1000 մգ դեղաչափը՝ դեղամիջոցը ներերակային կաթիլային եղանակով ներարկելով րոպեում 30 կաթիլ արագությամբ: Խորհուրդ տրվող դեղաչափման ռեժիմը: - Իշեմիկ ինսուլտի և ԳՏՎ-ի սուր շրջան. 1000 մգ ցիտիկոլին յուրաքանչյուր 12 ժամը մեկ՝ ախտորոշումից հետո առաջին օրվանից սկսած: Բուժման տևողությունը կազմում է առնվազն 6 շաբաթ, առավելագույն օրական դեղաչափը՝ 2000 մգ: - Իշեմիկ և հեմոռագիկ ինսուլտների վերականգնողական շրջան, ԳՏՎ-ի վերականգնողական շրջան, գլխուղեղի դեգեներատիվ և անոթային հիվանդությունների դեպքում ճանաչողական և վարքային խանգարումներ. ներարկվում է ներերակային կամ ներմկանային ճանապարհով օրական 500-2000 մգ ցիտիկոլին: Դեղաչափը և բուժման տևողությունը կախված են հիվանդության ախտանիշների ծանրությունից: - Տարեց հիվանդներ. դեղաչափի ճշգրտում չի պահանջվում: Դեղամիջոցը պետք է օգտագործել անմիջապես ամպուլը բացելուց հետո: Հակացուցումներ - Բարձր զգայունություն դեղամիջոցի ցանկացած բաղադրիչի նկատմամբ: - Արտահայտված վագոտոնիա (վեգետատիվ նյարդային համակարգի պարասիմպաթիկ հատվածի բարձր տոնուս): - Խորհուրդ չի տրվում կիրառել մինչև 18 տարեկան երեխաների և դեռահասների մոտ՝ բավարար կլինիկական տվյալների բացակայության պատճառով: Պահպանման պայմաններ Պահել ոչ ավելի բարձր, քան 25 աստիճան C ջերմաստիճանում, երեխաների համար անհասանելի վայրում: Դեղամիջոցի պիտանելիության ժամկետը 2 տարի է: