Նո-շպա ֆորտե դեղահաբ 80մգ №24

Կիրառում Նո-Շպա ֆորտե դեղը ցուցված է մեծահասակների մոտ հարթ մկանների սպազմերի դեպքում, որոնք կապված են տարբեր հիվանդությունների հետ: - Լեղուղիների հիվանդություններ՝ խոլեցիստոլիթիազ, խոլանգիոլիթիազ, խոլեցիստիտ, պերիխոլեցիստիտ, խոլանգիտ, պապիլիտ: - Միզուղիների հիվանդություններ՝ նեֆրոլիթիազ, ուրեթրոլիթիազ, պիելիտ, ցիստիտ, միզապարկի սպազմեր: - Որպես օժանդակ թերապիա հետևյալ դեպքերում՝ - Ստամոքս-աղիքային տրակտի հարթ մկանների սպազմեր՝ ստամոքսի և տասներկումատնյա աղիքի խոցային հիվանդություն, գաստրիտ, կարդիայի և պիլորուսի սպազմեր, էնտերիտ, կոլիտ, սպաստիկ կոլիտ փորկապությամբ և գրգռված աղիքի համախտանիշ՝ փորափքանքով: - Լարվածության գլխացավեր: - Դիսմենորեա (դաշտանային ցավեր) / ալգոդիսմենորեա: Ինչպես ընդունել Նո-Շպա ֆորտե 80 մգ հաբերը նախատեսված են մեծահասակների համար: Մեծահասակներ՝ միջին օրական դոզան կազմում է 120-240 մգ (2-3 ընդունման դեպքում): Առավելագույն միանվագ դոզան 80 մգ է, առավելագույն օրական դոզան՝ 240 մգ: Հաբի բաժանման գիծը նախատեսված է միայն կուլ տալը հեշտացնելու համար, այլ ոչ թե հավասար դոզաների բաժանելու համար: 12 տարեկանից բարձր երեխաներ՝ անհրաժեշտության դեպքում առավելագույն օրական դոզան կազմում է 160 մգ (2-4 ընդունման դեպքում): Նո-Շպա ֆորտե դեղի կլինիկական ուսումնասիրություններ երեխաների մոտ չեն անցկացվել: Հակացուցումներ - Գերզգայունություն դրոտավերինի կամ դեղամիջոցի ցանկացած օժանդակ նյութի նկատմամբ: - Արտահայտված լյարդային կամ երիկամային անբավարարություն: - Ծանր սրտային անբավարարություն (սրտի արտամղման նվազում): - Մանկական տարիք (երեխաների մոտ կլինիկական ուսումնասիրություններ չեն անցկացվել): - Կրծքով կերակրման շրջան: - Լակտոզայի ժառանգական անհանդուրժողականություն, լակտազայի անբավարարություն, գալակտոզեմիա կամ գլյուկոզ-գալակտոզ մալաբսորբցիայի համախտանիշ (հաբերի բաղադրության մեջ լակտոզայի առկայության պատճառով): - Զգուշությամբ՝ զարկերակային հիպոտենզիա, հղիություն: