Ցետամոլ մոմիկներ 150մգ №10

Կիրառում Ցետամոլ մոմիկներն օգտագործվում են որպես ջերմիջեցնող միջոց սուր շնչառական հիվանդությունների, գրիպի, մանկական վարակների և ջերմությամբ ուղեկցվող այլ բորբոքային հիվանդությունների, ինչպես նաև պատվաստումից հետո: Որպես ցավազրկող՝ դեղամիջոցն օգտագործվում է թեթև և չափավոր ցավերի դեպքում, ինչպիսիք են գլխացավը, ատամնացավը, մկանային ցավը, նյարդացավը և վնասվածքային ցավը: Ցետամոլ մոմիկները հատկապես խորհուրդ են տրվում այն երեխաներին, ովքեր չեն կարող ընդունել պարացետամոլի պերօրալ ձևերը, օրինակ՝ հետվիրահատական շրջանում կամ սրտխառնոցի և փսխման դեպքում: Ինչպես ընդունել Ցետամոլի ռեկտալ մոմիկները ցանկալի է օգտագործել աղիների մաքրումից կամ դեֆեկացիայից հետո: Միջին միանվագ դոզան կախված է երեխայի մարմնի քաշից և կազմում է 10-15 մգ/կգ մարմնի քաշի, որը կարող է կրկնվել օրական 3-4 անգամ: Առավելագույն օրական դոզան չպետք է գերազանցի 60 մգ/կգ մարմնի քաշը: Նշված դոզան կարող է կրկնվել 4-6 ժամը մեկ անգամ, բայց ոչ ավելի, քան օրական 4 անգամ: Բարձր ջերմության դեպքում դեղամիջոցը չպետք է օգտագործել ավելի քան 3 օր, իսկ ցավը թեթևացնելու համար՝ ավելի քան 5 օր: 3 ամսականից փոքր երեխաների համար օգտագործել միայն բժշկի նշանակմամբ: Մի գերազանցեք նշված դոզան: - Առաջարկվող դոզաներն ըստ տարիքի/քաշի. - 3-5 ամիս՝ 80 մգ մոմիկներ: - 6 ամսականից մինչև 3 տարեկան՝ 150 մգ մոմիկներ: - 4-10 տարեկան՝ 325 մգ մոմիկներ: Հակացուցումներ Դեղամիջոցը հակացուցված է պարացետամոլի կամ օժանդակ նյութերից որևէ մեկի նկատմամբ գերզգայունության դեպքում: Հակացուցումներ են նաև բրոնխիալ ասթման, անամնեզում ալերգիան, խոցային հիվանդությունը, ստամոքս-աղիքային արյունահոսությունը, գլյուկոզ-6-ֆոսֆատդեհիդրոգենազայի դեֆիցիտը, ինչպես նաև լյարդի և երիկամների ֆունկցիայի ծանր խանգարումները: Պահպանման պայմաններ Պահել լույսից պաշտպանված տեղում՝ 25 աստիճան C-ից բարձր ջերմաստիճանում: Չսառեցնել: Պահել երեխաների համար անհասանելի վայրում: