Պարացետամոլ օշարակ 120մգ/5մլ 125մլ №1

Կիրառում Կիրառվում է 2 ամսականից մինչև 12 տարեկան երեխաների մոտ՝ որպես. - Ջերմիջեցնող միջոց՝ վերին շնչուղիների վարակների (ներառյալ մրսածությունը և գրիպը) և մանկական վարակիչ հիվանդությունների (ջրծաղիկ, խոզուկ, կարմրուկ, կարմրախտ, կապույտ հազ, քութեշ և այլն) դեպքում մարմնի բարձր ջերմությունը իջեցնելու համար: - Ցավազրկող միջոց՝ թույլ և չափավոր ինտենսիվության ցավը թեթևացնելու համար՝ ատամի ցավի (ներառյալ ատամների ծկլումի ժամանակ) և գլխացավի դեպքում: Ինչպես ընդունել Պարացետամոլի օշարակի ընդունման հաճախականությունը օրական 3-4 անգամ է: - 3-ից 12 ամսական երեխաների համար՝ 2,5-5 մլ օշարակ (60-120 մգ պարացետամոլ): - 1-ից 5 տարեկան երեխաների համար՝ 5-10 մլ օշարակ (120-240 մգ պարացետամոլ): - 5-ից 12 տարեկան երեխաների համար՝ 10-20 մլ օշարակ (240-480 մգ պարացետամոլ): - Մեծահասակների և 60 կգ-ից բարձր մարմնի քաշ ունեցող երեխաների համար՝ 20-40 մլ օշարակ (480-960 մգ պարացետամոլ): - Հետպատվաստումային ռեակցիաների սիմպտոմատիկ թեթևացման համար՝ մեկանգամյա դոզան կազմում է 10-15 մգ/կգ երեխայի մարմնի քաշի համար: Կիրառել օրական 1-2 անգամ, ոչ պակաս քան 4 ժամ ընդմիջումով: Եթե դեղի երկրորդ դոզան ընդունելուց հետո բարձր ջերմությունը պահպանվում է, անհրաժեշտ է դիմել բժշկի: Հակացուցումներ - Միաժամանակյա ընդունում այլ պարացետամոլ պարունակող դեղերի, ինչպես նաև մրսածության և գրիպի բուժման, ցավազրկող և ջերմիջեցնող միջոցների հետ, քանի որ դա կարող է հանգեցնել պարացետամոլի գերդոզավորման: Կիրառում ծայրահեղ հյուծված, անորեքսիայով տառապող հիվանդների կամ մարմնի ցածր զանգվածի ինդեքս ունեցող հիվանդների մոտ: - Զգուշությամբ պետք է կիրառել լյարդի (այդ թվում՝ Ժիլբերի համախտանիշ) և երիկամների ֆունկցիաների խանգարումների դեպքում. գլյուկոզո-6-ֆոսֆատ դեհիդրոգենազա ֆերմենտի գենետիկ բացակայության դեպքում. արյան ծանր հիվանդությունների (ծանր անեմիա, լեյկոպենիա, թրոմբոցիտոպենիա) դեպքում. հղիության և կրծքով կերակրման շրջանում: Նման դեպքերում դեղն ընդունելուց առաջ պետք է խորհրդակցել բժշկի հետ: