Օտոֆիքս ականջի կաթիլ 40մգ/10մգ 15մլ №1

Հակացուցումներ Օտոֆիքսի օգտագործման հակացուցումներն են գերզգայունությունը ակտիվ նյութերի, դեղամիջոցի ցանկացած բաղադրիչի կամ ամիդային տեղային անզգայացնող դեղամիջոցների նկատմամբ: Հակացուցված է նաև թմբկաթաղանթի վնասվածքային կամ վարակային ծագման պերֆորացիան: Պահպանման պայմաններ Պահել 5 աստիճան C-ից մինչև 25 աստիճան C ջերմաստիճանում: Պահպանման ժամկետը 3 տարի է: Կիրառում Օտոֆիքս ականջի կաթիլներ 15մլ-ը կիրառվում են միջին ականջի որոշ ցավոտ վիճակների տեղային ախտանիշային բուժման համար՝ անձեռնմխելի թմբկաթաղանթով, 1 ամսականից բարձր երեխաների և մեծահասակների մոտ: Ցուցումներն են. - սուր օտիտ մեդիա; - ֆլիկտենուլյոզ վիրուսային օտիտ (հետգրիպային); - բարոտրավմատիկ օտիտ: Ինչպես ընդունել 1 ամսականից բարձր երեխաներին և մեծահասակներին պետք է կաթեցնել 4 կաթիլ ցավոտ ականջի արտաքին լսողական անցուղի՝ օրական 2-3 անգամ, մեղմորեն սեղմելով կաթոցիչի էլաստիկ մասը: Բուժման կուրսը չպետք է գերազանցի 10 օրը, որից հետո պետք է վերանայել բուժումը: Լսողական անցուղու մաշկի և սառը լուծույթի շփումից առաջացող տհաճ զգացողությունները կանխելու համար խորհուրդ է տրվում շիշը կիրառելուց առաջ ձեռքերում տաքացնել: Օգտագործման հրահանգներ: 1. Պտուտակահանեք շշի կափարիչը: 2. Պտուտակեք կաթոցիչը կափարիչին: 3. Հանեք կաթոցիչի պաշտպանիչ կափարիչը: 4. Շիշը շրջեք գլխիվայր և զգուշորեն սեղմեք կաթոցիչը մինչև կաթիլի առաջացումը: 5. Նորից սեղմեք մինչև անհրաժեշտ քանակությամբ կաթիլներ ստանալը: 6. Օգտագործելուց հետո կաթոցիչը հետ դրեք սպիտակ կափարիչի վրա: