Սպազմալգոն դեղահաբ №50

Կիրառում Սպազմալգոն-ը կիրառվում է թեթև կամ չափավոր արտահայտված ցավային համախտանիշի դեպքում, ներառյալ գլխացավը, ատամնացավը, միգրենը (նոպայանման գլխացավ), նևրալգիան (ցավ նյարդի կամ դրա ճյուղերի երկայնքով), միալգիան (մկանային ցավեր), արթրալգիան (հոդացավեր), ալգոդիսմենորեան (դաշտանային ցավեր), ինչպես նաև վնասվածքների և այրվածքների դեպքում առաջացած ցավը: Դեղը նախատեսված է ընդունման պահին ախտանշանները նվազեցնելու համար և չի ազդում հիվանդության զարգացման վրա: Ինչպես ընդունել Մեծահասակները և 15 տարեկանից բարձր երեխաները ընդունում են ներքին ընդունմամբ (ավելի լավ է ուտելուց հետո) սովորաբար 1-2 հաբ օրական 2-3 անգամ: Օրական դոզան չպետք է գերազանցի 6 հաբը: Ընդունման տևողությունը ոչ ավելի, քան 5 օր է: Դեղի օրական դոզայի կամ բուժման տևողության ավելացումը հնարավոր է միայն բժշկի խորհրդով և հսկողության ներքո: Հակացուցումներ Մի՛ կիրառեք դեղը, եթե ունեք. - ալերգիա մետամիզոլ նատրիումի, պիտոֆենոնի հիդրոքլորիդի, ֆենպիվերինի բրոմիդի կամ տվյալ դեղամիջոցի այլ բաղադրիչների նկատմամբ: - ալերգիա այլ պիրազոլոնային և պիրազոլիդինային ածանցյալների նկատմամբ: - ստամոքս-աղիքային անանցանելիություն և մեգակոլոն (հաստ աղիքի լայնացում): - միզապարկի ատոնիա (դժվարամիզություն միզապարկի մկանունքի թուլության պատճառով) կամ լեղապարկի ատոնիա: - արտահայտված երիկամային կամ լյարդային անբավարարություն: - որոշ բնածին հիվանդություններ (գլյուկոզ-6-ֆոսֆատդեհիդրոգենազի դեֆիցիտ, պորֆիրիա): - փակ անկյունային գլաուկոմա (աչքի ճնշման արագ բարձրացմամբ բնութագրվող վիճակ): - լակտոզայի անտանելիություն, լակտազի դեֆիցիտ, գլյուկոզ-գալակտոզային մալաբսորբցիա: - շագանակագեղձի հիպերպլազիա (կլինիկական դրսևորումներով): - ցորենի նկատմամբ ալերգիա: - մինչև 8 տարեկան երեխաների տարիք: - հղիություն կամ կրծքով կերակրում: Պահպանման պայմաններ 25 աստիճան C-ից ոչ բարձր ջերմաստիճանում, օրիգինալ փաթեթավորմամբ (չսառեցնել): Պահել երեխաների համար անհասանելի վայրում: