Էնտերոժերմինա ֆորտե սրվակ 4մլդ/5մլ №10

Կիրառում - Աղիքային միկրոֆլորայի խանգարումների և հետագա էնդոգեն ավիտամինոզի բուժում և կանխարգելում: - Օժանդակ թերապիա աղիքային միկրոֆլորայի վերականգնման համար, որը փոփոխվել է հակաբիոտիկների կամ քիմիաթերապիայի հետևանքով: - Սուր կամ քրոնիկ ստամոքս-աղիքային խանգարումներ երեխաների մոտ, ներառյալ մանկական տարիքը, որոնք պայմանավորված են աղիքային դիսբակտերիոզով (դիսմիկրոբիոզով) և ավիտամինոզով: - Քրոնիկ ստամոքս-աղիքային խանգարումների (այդ թվում՝ վարակիչ) բուժում մեծահասակների և երեխաների մոտ, ներառյալ մանկական տարիքը, որոնք կապված են թունավորումների կամ աղիքային միկրոֆլորայի խանգարման և ավիտամինոզի հետ. քրոնիկ փորլուծություն մինչև 30 օր: Ինչպես ընդունել - Մեծահասակներ՝ օրական 1 սրվակ: - Երեխաներ՝ օրական 1 սրվակ: - Երեխաներին, ներառյալ մանկական տարիքի երեխաներին, օրական 4 միլիարդից պակաս Bacillus clausii սպորների դոզաներ նշանակելիս, Enterogermina Forte 4 միլիարդ/5 մլ սրվակում կիրառելը թույլ չի տալիս ապահովել համարժեք դոզավորում, ուստի կպահանջվի Enterogermina դեղամիջոց, որը պարունակում է Bacillus clausii սպորներ ավելի ցածր կոնցենտրացիայով: - Սրվակի պարունակությունը ընդունում են առանց նոսրացման կամ նոսրացնում են ջրի կամ այլ հեղուկների մեջ (օրինակ՝ կաթի, թեյի, նարնջի հյութի մեջ): - Օգտագործելուց առաջ թափահարել սրվակը: - Դեղամիջոցը նախատեսված է միայն բերանացի ընդունման համար: Չներարկել և չընդունել որևէ այլ եղանակով: - Հակաբիոտիկ թերապիայի ժամանակ խորհուրդ է տրվում դեղամիջոցը ընդունել հակաբիոտիկի հաջորդական երկու դոզաների միջև: - Դեղորայքային միջոցը պետք է օգտագործվի սրվակը բացելուց անմիջապես հետո՝ կախույթի աղտոտումից խուսափելու համար: Հակացուցումներ - Բարձր զգայունություն ակտիվ նյութի կամ դեղամիջոցի բաղադրիչների նկատմամբ: - Հարկ է խուսափել Enterogermina Forte դեղամիջոցի կիրառումից իմունային անբավարարություն ունեցող կամ լուրջ հիվանդությամբ հոսպիտալացված պացիենտների, ինչպես նաև անհաս նորածինների մոտ: