Լինեքս դեղահաբ №16

Կիրառում: Լինեքս դեղամիջոցը կիրառվում է աղիքային դիսբիոզի համալիր բուժման, ինչպես նաև ստամոքս-աղիքային տրակտի վիրուսային կամ բակտերիալ վարակներով (օրինակ՝ ռոտավիրուսային վարակ, ճանապարհորդների լուծ) և հակամանրէային միջոցների (հակաբիոտիկներ կամ այլ սինթետիկ հակամանրէային դեղամիջոցներ) կիրառմամբ պայմանավորված լուծի կանխարգելման և բուժման համար: Դիսբակտերիոզը կարող է դրսևորվել հետևյալ ախտանիշներով: - լուծ (փորլուծություն) - դիսպեպսիա (մարսողության խանգարում) - փորկապություն - մետեորիզմ (որովայնի փքվածություն) - սրտխառնոց - փսխում - զկռտոց - որովայնի ցավեր - հնարավոր է մաշկային ալերգիկ ռեակցիաներ: Ինչպես ընդունել: Լինեքսը նշանակվում է ներքին ընդունման համար՝ ուտելուց հետո, պարկուճները պետք է ընդունել փոքր քանակությամբ ջրով: Մեծահասակներին նշանակվում է օրական 2 պարկուճ՝ 3 անգամ: Հիվանդները, ովքեր չեն կարող ամբողջական պարկուճը կուլ տալ, այն պետք է բացել, պարունակությունը լցնել գդալի մեջ և խառնել փոքր քանակությամբ հեղուկի հետ: Արդյունավետությունը բարձրացնելու համար խորհուրդ է տրվում Լինեքս պարկուճներն ընդունել հակաբիոտիկների և քիմիաթերապևտիկ միջոցների ընդունումից 3 ժամ հետո: Խորհուրդ չի տրվում դեղը խմել տաք ըմպելիքներով և միաժամանակ ընդունել ալկոհոլի հետ: Հակացուցումներ: Լինեքսի կիրառման հակացուցումներն են: - գերզգայունություն դեղամիջոցի բաղադրիչների կամ կաթնամթերքի նկատմամբ - լակտոզայի անտանելիություն, լակտազայի դեֆիցիտ, գլյուկոզա-գալակտոզայի մալաբսորբցիա - մանկական տարիք մինչև 18 տարեկանը: Պահպանման պայմաններ: Դեղամիջոցը պետք է պահել իր սկզբնական փաթեթավորմամբ՝ երեխաների համար անհասանելի վայրում, ոչ ավելի բարձր, քան 25 աստիճան C ջերմաստիճանում: