Կորիպրեն դեղահաբ 10մգ/10մգ №28

Կիրառում: Կորիպրեն հաբեր, թաղանթապատ 10մգ/10մգ x 28-ը կիրառվում է էսենցիալ զարկերակային հիպերտենզիայի դեպքում, երբ լերկանիդիպինի 10մգ դոզայով մոնոթերապիան անարդյունավետ է: Ինչպես ընդունել: Հիվանդները, որոնց զարկերակային ճնշումը բավարար չափով չի վերահսկվում լերկանիդիպինի 10 մգ մոնոթերապիայի միջոցով, կարող են բարձրացնել լերկանիդիպինի դոզան մինչև 20 մգ կամ անցնել Կորիպրեն 10 մգ/10 մգ ֆիքսված կոմբինացիոն դեղամիջոցի ընդունմանը: Հակացուցումներ: - Գերզգայունություն անգիոտենզինփոխարկող ֆերմենտի (ԱՓՖ) ցանկացած ինհիբիտորի կամ դիհիդրոպիրիդինային կալցիումի անցուղիների բլոկատորի, կամ տվյալ դեղամիջոցի ցանկացած բաղադրիչի նկատմամբ: - Անամնեզում անգիոնևրոտիկ այտուցի առկայություն, որը կապված է ԱՓՖ ինհիբիտորներով նախնական բուժման հետ: - Ժառանգական կամ իդիոպաթիկ անգիոնևրոտիկ այտուց: - Հղիություն կամ հղիության պլանավորում: - Կրծքով կերակրման շրջան: - Ձախ փորոքից արտահոսքի օբստրուկցիա: - Չբուժված կանգային սրտային անբավարարություն: - Անկայուն ստենոկարդիա կամ վերջին (1 ամսվա ընթացքում) սրտամկանի ինֆարկտ: - Երիկամների ծանր անբավարարություն (ՇՔԱ < 30 մլ/րոպե), այդ թվում դիալիզի ենթարկվող հիվանդների մոտ: - Լյարդի ծանր անբավարարություն: - CYP3A4-ի ուժեղ ինհիբիտորների, ցիկլոսպորինի, գրեյպֆրուտի կամ գրեյպֆրուտի հյութի միաժամանակյա ընդունում: - Միաժամանակյա կիրառում սակուբիտրիլ/վալսարտան թերապիայի հետ (էնալապրիլը չպետք է կիրառվի սակուբիտրիլ/վալսարտանի վերջին դոզայից 36 ժամից շուտ): - Կորիպրեն 10 մգ/10 մգ դեղամիջոցի միաժամանակյա կիրառում ալիսկիրեն պարունակող դեղամիջոցների հետ՝ շաքարային դիաբետի կամ միջին կամ ծանր երիկամային անբավարարության առկայության դեպքում (ՇՔԱ < 60 մլ/րոպե/1,73 մ2):