Ամլոդիպին դհտ 10մգ №20

Կիրառում: Ամլոդիպինը կիրառվում է զարկերակային հիպերտենզիայի բուժման համար (ինչպես մոնոթերապիայի, այնպես էլ այլ հակահիպերտենզիվ միջոցների հետ համակցված), ինչպես նաև կայուն ստենոկարդիայի և վազոսպաստիկ ստենոկարդիայի (Պրինցմետալի ստենոկարդիա) բուժման համար, նաև մոնոթերապիայի կամ այլ հակաանգինալ միջոցների հետ համակցված: Ինչպես ընդունել: Դեղը ընդունվում է ներքին՝ օրը 1 անգամ, անհրաժեշտ քանակությամբ ջրով (100 մլ): Սկզբնական դոզան զարկերակային հիպերտենզիայի, կայուն ստենոկարդիայի և վազոսպաստիկ ստենոկարդիայի դեպքում կազմում է 5 մգ օրը 1 անգամ: Անհրաժեշտության դեպքում դոզան կարող է ավելացվել մինչև առավելագույն օրական դոզան՝ 10 մգ մեկանգամյա: Հակացուցումներ: - Բարձր զգայունություն ամլոդիպինի, դիհիդրոպիրիդինի այլ ածանցյալների կամ դեղամիջոցի ցանկացած օժանդակ նյութի նկատմամբ: - Ծանր զարկերակային հիպոտենզիա (սիստոլիկ զարկերակային ճնշումը 90 մմ սնդ. սյունից պակաս): - Շոկ (ներառյալ կարդիոգեն շոկ): - Ձախ փորոքի արտահոսքի ուղու խցանում (օրինակ՝ ծանր աորտալ ստենոզ): - Հեմոդինամիկորեն անկայուն սրտային անբավարարություն սուր միոկարդի ինֆարկտից հետո: - Տարիքը մինչև 18 տարեկան (արդյունավետությունը և անվտանգությունը հաստատված չեն): - Հղիություն և կրծքով կերակրման շրջան (անվտանգության վերաբերյալ բավարար տվյալներ չկան):