Էքսֆորժ Հ դեղահաբ 5մգ/160մգ/12.5մգ №14

Կիրառում: Էքսֆորժ Ն դեղամիջոցը նշանակվում է էսենցիալ հիպերտենզիայի բուժման համար չափահաս հիվանդների մոտ, որոնց արյան ճնշումը բավարար կերպով վերահսկվում է ամլոդիպինի, վալսարտանի և հիդրոքլորոթիազիդի համակցությամբ: Սա վերաբերում է այն դեպքերին, երբ այս բաղադրիչները կիրառվում են որպես երեք առանձին դեղամիջոց կամ որպես երկու դեղամիջոց, որոնցից մեկը համակցված է: Ինչպես ընդունել: Էքսֆորժ Ն հաբերը պետք է ընդունել ներքին ընդունման ճանապարհով՝ մի փոքր ջրով, օրը մեկ անգամ, անկախ սննդի ընդունումից: Առաջարկվող օրական դոզան մեկ հաբ է: Հաբերը ցանկալի է ընդունել առավոտյան, միևնույն ժամին: Հաբը պետք է կուլ տալ ամբողջությամբ: Դոզայի կարգավորում չի պահանջվում երիկամների ֆունկցիայի թեթև և չափավոր խանգարումներ ունեցող հիվանդների համար: Հակացուցումներ: - Գերզգայունություն ամլոդիպինի, վալսարտանի, հիդրոքլորոթիազիդի, սուլֆոնամիդի այլ ածանցյալների, դիհիդրոպիրիդինի ածանցյալների կամ դեղամիջոցի ցանկացած այլ օժանդակ բաղադրիչների նկատմամբ: - Հղիություն և հղիության պլանավորման շրջան: - Կրծքով կերակրման շրջան: - Երիկամների ֆունկցիայի ծանր խանգարումներ (կրեատինինի քլիրենսը 30 մլ/րոպեից պակաս), անուրիա, ինչպես նաև հեմոդիալիզի ենթարկվող հիվանդների համար: - Ծանր զարկերակային հիպոտենզիա (սիստոլիկ զարկերակային ճնշումը 90 մմ սնդ. սյունից պակաս), կոլապս, կարդիոգեն շոկ: - Լյարդի ֆունկցիայի արտահայտված խանգարումներ (Չայլդ-Պյու սանդղակով 9 բալից ավելի), լեղային ցիռոզ և խոլեստազ: - Կլինիկորեն նշանակալի աորտայի ստենոզ: - Ադեկվատ թերապիային անտարբեր հիպոկալեմիա, հիպոնատրեմիա, հիպերկալցեմիա, ինչպես նաև կլինիկական դրսևորումներով հիպերուրիկեմիա: - Ժառանգական անգիոնևրոտիկ այտուց կամ այտուց, որն առաջացել է անգիոտենզին II ռեցեպտորների անտագոնիստներով նախորդող թերապիայի ֆոնին: - Մինչև 18 տարեկան տարիք, քանի որ կիրառման արդյունավետությունն ու անվտանգությունը հաստատված չեն: - Սիստեմային հիպերուրիկեմիա, քանի որ դեղամիջոցը պարունակում է հիդրոքլորոթիազիդ