Զոմետա լիոֆիլիզատ 4մգ/100մլ №1

Կիրառում: Զոմետա դեղամիջոցը կիրառվում է օստեոլիտիկ, օստեոբլաստիկ և խառը ոսկրային մետաստազների դեպքում ամուր ուռուցքների և օստեոլիտիկ օջախների դեպքում բազմակի միելոմայի ժամանակ՝ համակցված թերապիայի կազմում: Այն օգտագործվում է նաև չարորակ ուռուցքով պայմանավորված հիպերկալցեմիայի դեպքում: Կրծքագեղձի քաղցկեղով, շագանակագեղձի քաղցկեղով և այլ ամուր ուռուցքներով, որոնք ունեն ոսկրերի մետաստատիկ ախտահարում, Զոմետան կանխում է ախտաբանական կոտրվածքների զարգացումը, ողնուղեղի կոմպրեսիան, նվազեցնում է ճառագայթային թերապիայի և վիրահատական միջամտությունների անհրաժեշտությունը, ինչպես նաև նվազեցնում է ուռուցքային հիպերկալցեմիան: Ինչպես ընդունել: Զոմետա 4 մգ/100 մլ ինֆուզիոն լուծույթը պատրաստի դեղաձև է և լրացուցիչ նոսրացման կարիք չունի: Դեղամիջոցը պետք է ներարկել ներերակային կաթիլային եղանակով՝ առնվազն 15 րոպեի ընթացքում: Առաջարկվող դոզան կազմում է 4 մգ՝ յուրաքանչյուր 3-4 շաբաթը մեկ: Լրացուցիչ պետք է ընդունել կալցիում՝ օրական 500 մգ դոզայով և վիտամին D՝ օրական 400 ՄՄ դոզայով: Հիպերկալցեմիայի դեպքում (շիճուկի կալցիումի մակարդակը, ալբումինով շտկված, ≥ 12 մգ/դլ կամ 3 մմոլ/լ) դեղամիջոցի մեկանգամյա առաջարկվող դոզան կազմում է 4 մգ: Ինֆուզիայից առաջ կամ ընթացքում անհրաժեշտ է ապահովել հիվանդի համապատասխան հիդրատացիա: Թերապիայի սկսվելուց հետո պետք է որոշել շիճուկի կրեատինինի կոնցենտրացիան՝ դեղամիջոցի յուրաքանչյուր հաջորդ դոզայի ներարկումից առաջ: Երիկամների ֆունկցիայի խանգարում հայտնաբերելու դեպքում Զոմետա դեղամիջոցի հաջորդ ներարկումը պետք է հետաձգել: Հակացուցումներ: - Հանքային նյութափոխանակության ծանր խանգարումներ, ներառյալ հիպոկալցեմիան: - Երիկամների ֆունկցիայի ծանր խանգարումներ (կրեատինինի կլիրենս <35 մլ/րոպե կամ 30 մլ/րոպեից պակաս): - Հղիություն: - Կրծքով կերակրման շրջան: - Մինչև 18 տարեկան տարիք (արդյունավետությունն ու անվտանգությունը հաստատված չեն): - Զգայունություն զոլեդրոնաթթվի, այլ բիսֆոսֆոնատների կամ դեղամիջոցի կազմի մեջ մտնող ցանկացած այլ բաղադրիչի նկատմամբ: