Տիրեգիս-Դ դեղահաբ 40մգ/12․5մգ №28

Կիրառում Տիրեգիս-Դ-ն համակցված դեղամիջոց է, որը պարունակում է տելմիսարտան (անգիոտենզին II ընկալիչների անտագոնիստ) և հիդրոքլորոթիազիդ (թիազիդային միզամուղ): Դեղը նախատեսված է մեծահասակների մոտ էսենցիալ զարկերակային հիպերտենզիայի բուժման համար: Տիրեգիս-Դ-ի միանվագ ընդունումն ապահովում է արյան ճնշման արդյունավետ և մեղմ իջեցում օրվա ընթացքում: Ինչպես ընդունել Խորհուրդ է տրվում ընդունել օրական 1 դեղահաբ՝ առավոտյան, անկախ սննդի ընդունումից: Կարևոր է դեղն ընդունել բժշկի ցուցումներին խիստ համապատասխան: Հարցերի կամ անվստահության դեպքում պետք է խորհրդակցել բուժող բժշկի կամ դեղագործի հետ: Հակացուցումներ - Անգիոտենզին II ընկալիչների անտագոնիստների, որոնցից է տելմիսարտանը, կիրառումը հակացուցված է հղիության II և III եռամսյակներում: - Կերակրող մայրերին խորհուրդ չի տրվում ընդունել Տիրեգիս-Դ դեղամիջոցը: - Դեղը նախքան ընդունելը պետք է խորհրդակցել բժշկի հետ՝ ցածր զարկերակային ճնշման (զարկերակային հիպոտենզիա) դեպքում: