Սերմիոն դ/հ 30մգ №30

Կիրառում Սերմիոն դեղամիջոցը կիրառվում է կոգնիտիվ խանգարումների, ներառյալ դեմենցիայի, սիմպտոմատիկ թերապիայի համար՝ գլխուղեղի քրոնիկական ցերեբրովասկուլյար և օրգանական ախտահարումների դեպքում: Այս խանգարումները կարող են ուղեկցվել հիշողության, ուշադրության կենտրոնացման, մտածողության, ակտիվության նվազումով, բարձր հոգնածությամբ և էմոցիոնալ խանգարումներով: Ինչպես ընդունել Առաջարկվող դոզան կազմում է օրական 30-60 մգ: Սերմիոն դեղամիջոցը ընդունվում է ներքին ընդունման ճանապարհով, ցանկալի է սննդի հետ միասին: Հաբերը պետք է ընդունել՝ խմելով փոքր քանակությամբ հեղուկ, չծամելով: Թերապևտիկ արդյունավետությունը սովորաբար դրսևորվում է բուժումից 4-6 շաբաթ հետո, ուստի խորհուրդ է տրվում դեղամիջոցի երկարատև ընդունում: Բժիշկը պետք է պարբերաբար (ոչ պակաս, քան 6 ամիսը մեկ անգամ) գնահատի բուժման արդյունավետությունը և շարունակելու նպատակահարմարությունը: Հակացուցումներ - Գերզգայունություն նիցերգոլինի, էրգոտամինի այլ ածանցյալների կամ դեղամիջոցի այլ բաղադրիչների նկատմամբ: - Վերջերս տարած սուր միոկարդի ինֆարկտ: - Սուր արյունահոսություն: - Արտահայտված բրադիկարդիա: - Օրթոստատիկ հիպոթենզիա: - Հղիություն: - Կրծքով կերակրման շրջան: - Մինչև 18 տարեկան երեխաների և դեռահասների տարիք: Պահպանման պայմաններ Պահել ոչ բարձր, քան 25 աստիճան C ջերմաստիճանում: Պահել երեխաների համար անհասանելի վայրում: