Սոմազինա սրվակ 1000մգ/4մլ №5
Ընտրեք տարբերակը
Քանակ
Կիրառում Ցիտիկոլինը թուլացնում է գլխուղեղի դիսֆունկցիայի հետ կապված ախտանիշների արտահայտությունը տարբեր պաթոլոգիական գործընթացների հետևանքով, ինչպիսիք են գանգուղեղային վնասվածքը և ուղեղի արյան շրջանառության սուր խանգարումը: Ցիտիկոլինը նվազեցնում է ամնեզիայի մակարդակը, կոգնիտիվ, զգայուն և շարժողական խանգարումների դրսևորումները, որոնք կապված են տվյալ պաթոլոգիայի հետ: Կլինիկական ուսումնասիրությունները նաև ցույց են տվել Ցիտիկոլինի արդյունավետությունը դեգեներատիվ ծագման ուղեղային պաթոլոգիայի հետ կապված կոգնիտիվ, շարժողական և նյարդահոգեբանական խանգարումների բուժման համար: Դեղը կիրառվում է հիշողության և վարքի խանգարումների դեպքում, որոնք կապված են ինսուլտից հետո սուր կամ ենթասուր վիճակի, ինչպես նաև գանգուղեղային վնասվածքի հետ: Ինչպես ընդունել Առաջարկվող դեղաչափը օրական 500 մգ-ից մինչև 2000 մգ է՝ կախված հիվանդի վիճակի ծանրությունից: Դեղը ներարկվում է ներմկանային կամ ներերակային: Ներերակային ճանապարհով դեղը նշանակվում է դանդաղ ներարկման (3-5 րոպեի ընթացքում՝ կախված նշանակված դեղաչափից) կամ ներերակային կաթիլային ներարկման (40-60 կաթիլ մեկ րոպեում) տեսքով: Առավելագույն օրական դեղաչափը 2000 մգ է: Բուժման տևողությունը կախված է հիվանդության ընթացքից և որոշվում է բժշկի կողմից: Հակացուցումներ Դեղը հակացուցված է հղիության և կրծքով կերակրման շրջանում: Հակացուցումներ են նաև բաղադրիչներից որևէ մեկի նկատմամբ ալերգիան և պարասիմպաթիկ նյարդային համակարգի գերտոնուսը: Պահպանման պայմաններ Պահել մինչև 30 աստիճան C ջերմաստիճանում, երեխաների համար անհասանելի վայրում: