Ցիպրո-Տեկ աչքի/ականջի կաթիլ 0․3% 5մլ №1
Քանակ
Կիրառում Ցիպրո-Տեկ դեղամիջոցը նախատեսված է աչքերի և ականջների վարակիչ հիվանդությունների բուժման համար, որոնք առաջացել են ցիպրոֆլոքսացինի նկատմամբ զգայուն միկրոօրգանիզմներով: - Ակնաբուժության մեջ. Ցիպրոֆլոքսացինը նախատեսված է եղջերաթաղանթի խոցերի, բակտերիալ կոնյուկտիվիտի և բլեֆարիտի բուժման համար: - Քիթ-կոկորդ-ականջաբանության մեջ. Ցիպրոֆլոքսացինը նախատեսված է սուր արտաքին օտիտի բուժման համար: Ինչպես ընդունել - Ակնաբուժության մեջ (մեծահասակների, նորածինների, մանուկների, երեխաների և դեռահասների համար): - Եղջերաթաղանթի խոց. Առաջին օրը 6 ժամվա ընթացքում յուրաքանչյուր 15 րոպեն մեկ 2 կաթիլ կաթեցնել ախտահարված աչքի մեջ, այնուհետև առաջին օրվա մնացած մասի ընթացքում յուրաքանչյուր 30 րոպեն մեկ 2 կաթիլ: Երկրորդ օրը յուրաքանչյուր ժամը մեկ 2 կաթիլ կաթեցնել ախտահարված աչքի մեջ: Երրորդից տասնչորսերորդ օրը յուրաքանչյուր 4 ժամը մեկ 2 կաթիլ կաթեցնել ախտահարված աչքի մեջ: Բուժումը կարող է շարունակվել 14 օր հետո, եթվ եղջերաթաղանթի էպիթելացում տեղի չի ունեցել: - Բակտերիալ կոնյուկտիվիտ և բլեֆարիտ. Օրական 4 անգամ 1-2 կաթիլ ախտահարված աչքի մեջ: Ծանր դեպքերում դեղաչափը կարող է ավելացվել մինչև 2 կաթիլ յուրաքանչյուր 2 ժամը մեկ առաջին երկու օրվա ընթացքում: - Քիթ-կոկորդ-ականջաբանության մեջ (մեծահասակների, նորածինների, մանուկների, երեխաների և դեռահասների համար). - Սուր արտաքին օտիտ. Օրական 2 անգամ 4 կաթիլ ախտահարված ականջի մեջ: Կաթեցումից հետո հիվանդը պետք է պառկի հիվանդ ականջի հակառակ կողմի վրա 5 րոպե: Հակացուցումներ Գերզգայունություն ցիպրոֆլոքսացինի կամ դեղամիջոցի ցանկացած օժանդակ նյութի, ինչպես նաև այլ քինոլոնների նկատմամբ: Պահպանման պայմաններ Պահել ոչ բարձր քան 25 աստիճան C ջերմաստիճանում: Պահել երեխաներին անհասանելի վայրում: