Զինդոլին դեղահաբ 500մգ №10

Կիրառում Զինդոլինը (ցիպրոֆլոքսացին 500 մգ) ցուցված է ստորին շնչուղիների վարակների դեպքում, որոնք առաջացել են գրամբացասական միկրոօրգանիզմներով, ներառյալ քրոնիկ օբստրուկտիվ թոքային հիվանդության սրացումը, բրոնխոթոքային վարակները բրոնխէկտատիկ հիվանդության և կիստոզ ֆիբրոզի դեպքում, ինչպես նաև թոքաբորբը: Դեղը կիրառվում է նաև քրոնիկ թարախային միջին օտիտի, քրոնիկ սինուսիտի սուր սրացման, միզուղիների վարակների, սեռական օրգանների վարակների, ստամոքս-աղիքային տրակտի վարակների (օրինակ՝ ճանապարհորդական լուծ), որովայնի խոռոչի վարակների, մաշկի և փափուկ հյուսվածքների վարակների դեպքում, որոնք առաջացել են գրամբացասական բակտերիաներով, չարորակ արտաքին օտիտի, ոսկորների և հոդերի վարակների դեպքում: Բացի այդ, Զինդոլինն օգտագործվում է Neisseria meningitides-ով պայմանավորված ինվազիվ վարակների կանխարգելման և սիբիրյան խոցի թոքային ձևի դեպքում (կանխարգելում և բուժում): Ցիպրոֆլոքսացինը կարող է նշանակվել նեյտրոպենիայով հիվանդներին, ովքեր տառապում են արտահայտված ջերմությամբ, որը ենթադրաբար պայմանավորված է բակտերիալ վարակով: Ինչպես ընդունել Ընդունել բժշկի նշանակմամբ: Դեղը նախատեսված է ներքին ընդունման համար: Ստանդարտ դոզան մեծահասակների (18 տարեկան և բարձր) համար կազմում է 500 մգ (1 հաբ) օրական 2 անգամ: Դոզան և բուժման տևողությունը կարող են տարբեր լինել՝ կախված հիվանդությունից: Հակացուցումներ Գերզգայունություն ցիպրոֆլոքսացինի կամ այլ ֆտորքինոլոնների, ինչպես նաև դեղի այլ բաղադրիչների նկատմամբ: Հակացուցված է ցիպրոֆլոքսացինի միաժամանակյա կիրառումը տիզանիդինի հետ: Խորհուրդ չի տրվում մինչև 18 տարեկան երեխաներին և դեռահասներին, բացառությամբ 5-7 տարեկան երեխաների մոտ Pseudomonas aeruginosa-ով պայմանավորված մուկովիսցիդոզի բարդությունների բուժման դեպքերի: Նաև հակացուցված է հղիության և կրծքով կերակրման շրջանում: