Ֆլոքսատոն դեղահաբ 500մգ №10

Կիրառում Ֆլոքսատոնը կիրառվում է լևոֆլոքսացինի նկատմամբ զգայուն միկրոօրգանիզմներով պայմանավորված ինֆեկցիոն-բորբոքային հիվանդությունների բուժման համար: Դրանք ներառում են. - Քիթ-կոկորդ-ականջի օրգանների վարակներ (սուր բակտերիալ սինուսիտ). - Ստորին շնչուղիների վարակներ (քրոնիկ բրոնխիտի սրացում, համայնքային թոքաբորբ). - Մաշկի և փափուկ հյուսվածքների բարդ վարակներ (դիաբետիկ ոտքի խոց). - Միզուղիների բարդ վարակներ (պիելոնեֆրիտ). - Չբարդացած ցիստիտ. - Քրոնիկ բակտերիալ պրոստատիտ. - Ինհալացիոն սիբիրյան խոց (հետշփման կանխարգելում): Ինչպես ընդունել Դեղը պետք է ընդունել միայն բժշկի նշանակմամբ: - Ֆլոքսատոնը նախատեսված է ներքին ընդունման համար: - Մեծահասակների (18 տարեկան և բարձր) ստանդարտ դոզան կազմում է 500 մգ (1 հաբ) օրը 1-2 անգամ՝ անկախ սննդի ընդունումից: - Դոզան և բուժման տևողությունը կարող են տարբերվել՝ կախված վարակի բնույթից և ծանրությունից, ինչպես նաև հարուցիչի զգայունությունից: Հակացուցումներ Ֆլոքսատոնը հակացուցված է հետևյալ դեպքերում. - Գերզգայունություն լևոֆլոքսացինի կամ այլ ֆտորքինոլոնների, ինչպես նաև դեղամիջոցի այլ բաղադրիչների նկատմամբ: - Էպիլեպսիա: - Անամնեզում ֆտորքինոլոնների ընդունման հետևանքով ջլերի վնասում: - Մանկական և դեռահասության տարիք (մինչև 18 տարեկան): - Հղիություն և կրծքով կերակրման շրջան: Պահպանման պայմաններ Պահել 25 աստիճան C-ից ցածր ջերմաստիճանում՝ օրիգինալ փաթեթավորմամբ: