Կո-ամլեսսա դհտ 4մգ/5մգ/1,25մգ №30

Կիրառում Կո-Ամլեսսա դեղամիջոցը նշված է զարկերակային բարձր ճնշման (հիպերտենզիա) բուժման համար այն հիվանդների մոտ, ովքեր պահանջում են պերինդոպրիլով, ինդապամիդով և ամլոդիպինով բուժում՝ ֆիքսված համակցության մեջ առկա դեղաչափերով: Բոլոր երեք ակտիվ նյութերը, որոնք մտնում են դեղամիջոցի կազմի մեջ, օգնում են վերահսկել արյան բարձր ճնշումը: Հիվանդները, ովքեր արդեն ընդունում են պերինդոպրիլ/ինդապամիդ և ամլոդիպին առանձին հաբերի տեսքով, կարող են դրա փոխարեն ընդունել Կո-Ամլեսսա դեղամիջոցի մեկ հաբ, որը պարունակում է բոլոր երեք բաղադրիչները: Ինչպես ընդունել Խորհուրդ է տրվում ընդունել Կո-Ամլեսսա դեղամիջոցի 1 հաբ օրը մեկ անգամ, ցանկալի է առավոտյան՝ ուտելուց առաջ: Հակացուցումներ Մի ընդունեք Կո-Ամլեսսա դեղամիջոցը, եթե ունեք. - Ալերգիա պերինդոպրիլի կամ որևէ այլ ԱՓՖ ինհիբիտորի, ինդապամիդի կամ որևէ այլ սուլֆոնամիդների, ամլոդիպինի բեսիլատի կամ որևէ այլ դիհիդրոպիրիդինների, կամ Կո-Ամլեսսա դեղամիջոցի որևէ այլ բաղադրիչի նկատմամբ: - Առաջացել են այնպիսի ախտանիշներ, ինչպիսիք են շնչահեղձությունը, դեմքի կամ լեզվի այտուցը: - Նկատվել է ուժեղ քոր կամ ծանր մաշկի ցան ԱՓՖ ինհիբիտորով նախորդ բուժման ժամանակ, կամ եթե ձեզ մոտ կամ ձեր ընտանիքի անդամի մոտ նշված ախտանիշները հայտնաբերվել են այլ հանգամանքներում (անգիոնևրոտիկ այտուց): - Լյարդի ծանր հիվանդություն կամ լյարդային էնցեֆալոպաթիա (ուղեղի դեգեներատիվ հիվանդություն): - Երիկամային ծանր անբավարարություն (կրեատինինի քլիրենսը 30 մլ/րոպեից պակաս): - Երիկամների ծանր հիվանդություն, որի դեպքում երիկամների արյունամատակարարումը նվազում է (երիկամային զարկերակի ստենոզ): - Հղիություն կամ կրծքով կերակրման շրջան: - Կալիումի ցածր կամ բարձր մակարդակ արյան մեջ: - Կո-Ամլեսսա 8 մգ/5 մգ/2,5 մգ և 8 մգ/10 մգ/2,5 մգ հաբերը հակացուցված են երիկամների ծանր և միջին աստիճանի հիվանդությունների դեպքում, եթե դուք անցնում եք դիալիզ կամ ենթարկվում եք արյան ֆիլտրման այլ եղանակի: Պահպանման պայմաններ Պահել ոչ բարձր 25 աստիճան C կամ ոչ բարձր 30 աստիճան C ջերմաստիճանում՝ օրիգինալ փաթեթավորմամբ՝ լույսից և խոնավությունից պաշտպանելու համար: Պահել երեխաների համար անհասանելի վայրում: