Հիպոմեդ դեղահաբ 5մգ/10մգ №40

Կիրառում: Հիպոմեդը համակցված դեղամիջոց է, որը պարունակում է ամլոդիպին (կալցիումական անցուղիների պաշարիչ) և լիզինոպրիլ (անգիոտենզինփոխարկող ֆերմենտի (ԱՓՖ) արգելակիչ): Այն օգտագործվում է մեծահասակների մոտ բարձր արյան ճնշման (հիպերտենզիա) բուժման համար: Հիպոմեդ 5 մգ/10 մգ դեղահաբերը ցուցված են մեծահասակ հիվանդներին, որոնց արյան ճնշումը արդեն վերահսկվում է ամլոդիպին 5 մգ և լիզինոպրիլ 10 մգ համակցությամբ: Ամլոդիպինը թուլացնում է արյունատար անոթները, դյուրացնելով արյան հոսքը և բարելավում է սրտի մկանների արյան մատակարարումը: Լիզինոպրիլը նվազեցնում է արյունատար անոթների նեղացումը և իջեցնում արյան ճնշումը: Ինչպես ընդունել: Միշտ ընդունեք դեղամիջոցը Ձեր բժշկի նշանակումների համաձայն: Առաջարկվող դոզան կազմում է մեկ Հիպոմեդ հաբ օրական: Դեղամիջոցը կարող է ընդունվել անկախ սննդի ընդունումից: Հաբերը պետք է կուլ տալ ամբողջությամբ՝ խմելով փոքր քանակությամբ ջրով: Ընդունեք հաբերը ամեն օր նույն ժամին: Եթե Դուք զգում եք, որ Հիպոմեդի ազդեցությունը չափազանց ուժեղ է կամ չափազանց թույլ, խորհրդակցեք բժշկի կամ դեղագործի հետ: - Երեխաներ և դեռահասներ. Հիպոմեդը չպետք է օգտագործվի մինչև 18 տարեկան երեխաների մոտ՝ անվտանգության և արդյունավետության մասին տվյալների բացակայության պատճառով: - Տարեցներ. Սովորաբար, 65 տարեկանից բարձր հիվանդների մոտ դոզայի հատուկ փոփոխություններ չեն պահանջվում: - Լյարդային անբավարարություն. Լյարդի հիվանդությունը կարող է ազդել արյան մեջ ամլոդիպինի մակարդակի վրա: Այս դեպքում Ձեր բժիշկը կառաջարկի ավելի հաճախակի ստուգումներ: - Երիկամային անբավարարություն. Հիպոմեդով թերապիայի ընթացքում անհրաժեշտ է կանոնավոր հսկողություն: Հակացուցումներ: - Հիպոմեդը չպետք է օգտագործվի մինչև 18 տարեկան երեխաների մոտ՝ անվտանգության և արդյունավետության մասին տվյալների բացակայության պատճառով: - Երիկամների ֆունկցիայի վատթարացման դեպքում Հիպոմեդով բուժումը կդադարեցվի և կփոխարինվի անհատապես ընտրված բաղադրիչներով թերապիայով: