Նիֆեդիպին դեղահաբ 10մգ №50

Կիրառում: Նիֆեդիպինը կալցիումական անցուղիների բլոկատոր է, ունի հակաանգինալ և հիպոտենզիվ ազդեցություն: Այն իջեցնում է անոթների հարթ մկանների տոնուսը, լայնացնում է կորոնար և ծայրամասային զարկերակները, նվազեցնում է ընդհանուր ծայրամասային անոթային դիմադրությունը (ԸԾԱԴ) և զարկերակային ճնշումը (ԶՃ), ինչպես նաև աննշան չափով նվազեցնում է միոկարդի կծկողականությունը՝ նվազեցնելով հետբեռնվածությունը և միոկարդի թթվածնի պահանջը: Դեղը բարելավում է կորոնար արյան հոսքը: Ինչպես ընդունել: Հիպերտոնիկ կրիզի կամ ստենոկարդիայի նոպայի դադարեցման համար Նիֆեդիպինը կարելի է կիրառել ենթալեզվորեն (լեզվի տակ) 10-20 մգ (հազվադեպ դեպքերում մինչև 30 մգ): Հատուկ դեպքերում, ինչպիսիք են վարիանտային ստենոկարդիան կամ ծանր զարկերակային հիպերտենզիան, դոզան կարելի է ավելացնել մինչև 30 մգ օրական 3-4 անգամ կարճ ժամանակով: Հակացուցումներ: Նիֆեդիպինը հակացուցված է հղիության և կրծքով կերակրման շրջանում: Հղիության ընթացքում նիֆեդիպինի անվտանգության վերաբերյալ համապատասխան և խիստ վերահսկվող ուսումնասիրություններ չեն անցկացվել, և դրա օգտագործումը այս շրջանում խորհուրդ չի տրվում: Քանի որ նիֆեդիպինը արտազատվում է կրծքի կաթի հետ, պետք է խուսափել դրա օգտագործումից լակտացիայի շրջանում կամ դադարեցնել կրծքով կերակրումը բուժման ընթացքում: Փորձարարական ուսումնասիրություններում հայտնաբերվել է նիֆեդիպինի էմբրիոտոքսիկ, ֆետոտոքսիկ և տերատոգեն ազդեցություն: Զգուշությամբ դեղը կիրառվում է լյարդի և երիկամների ֆունկցիայի խանգարումներ ունեցող հիվանդների, ինչպես նաև տարեց հիվանդների մոտ: Լյարդի ֆունկցիայի խանգարումներ ունեցող հիվանդների մոտ պետք է խուսափել նիֆեդիպինի բարձր դոզաների կիրառումից: