Սինգլոն ծամովի դեղահաբեր 5մգ №28

Կիրառում Սինգլոն 5մգ x 28 հաբը կիրառվում է՝ - Բրոնխիալ ասթմայի երկարատև բուժման և կանխարգելման համար 6-ից 14 տարեկան (ներառյալ) երեխաների մոտ, ներառյալ հիվանդության ցերեկային և գիշերային ախտանիշների կանխարգելումը: - Բրոնխիալ ասթմայի բուժման համար այն պացիենտների մոտ, ովքեր ունեն գերզգայունություն ացետիլսալիցիլաթթվի նկատմամբ և ֆիզիկական ծանրաբեռնվածության հետևանքով առաջացած բրոնխոսպազմի կանխարգելման համար: - Սեզոնային և/կամ ամբողջ տարվա ընթացքում դրսևորվող ալերգիկ ռինիտի ցերեկային և գիշերային ախտանիշների թեթևացման համար 6-ից 14 տարեկան (ներառյալ) երեխաների մոտ: Ինչպես ընդունել Դեղը ընդունվում է ներքին 1 անգամ օրական: Սննդի ընդունումը չի ազդում դեղի արդյունավետության վրա: Երեխաները պետք է ընդունեն Սինգլոն դեղը մեծահասակների հսկողության ներքո: Հաբերը պետք է ծամել մինչև կուլ տալը: Դեղը չպետք է տրվի այն երեխաներին, ովքեր չգիտեն կամ չեն կարողանում ծամվող հաբեր ընդունել: 6-ից 14 տարեկան (ներառյալ) երեխաների համար դոզան կազմում է մեկ 5 մգ ծամվող հաբ օրական մեկ անգամ: Բրոնխիալ ասթմայի բուժման համար Սինգլոն դեղը պետք է ընդունել երեկոյան: Ալերգիկ ռինիտի բուժման դեպքում դեղը կարելի է ընդունել օրվա ցանկացած ժամի: Բրոնխիալ ասթմայով և ալերգիկ ռինիտով տառապող պացիենտները պետք է ընդունեն մեկ Սինգլոն հաբ օրական մեկ անգամ երեկոյան: Մոնտելուկաստի թերապևտիկ ազդեցությունը, որն արտացոլում է բրոնխիալ ասթմայի ընթացքը, զարգանում է առաջին օրվա ընթացքում: Պացիենտը պետք է շարունակի ընդունել մոնտելուկաստը ինչպես բրոնխիալ ասթմայի ախտանիշների վերահսկողության հասնելու շրջանում, այնպես էլ բրոնխիալ ասթմայի սրացման շրջաններում: Սինգլոն դեղը կարելի է ավելացնել պացիենտի բուժմանը բրոնխոդիլատատորներով և ինհալացիոն կորտիկոստերոիդներով: Հակացուցումներ - Գերզգայունություն դեղի որևէ բաղադրիչի նկատմամբ: - Ֆենիլկետոնուրիա, քանի որ յուրաքանչյուր 5 մգ ծամվող հաբ պարունակում է ասպարտամ՝ 0.842 մգ ֆենիլալանինին համարժեք քանակությամբ: Պահպանման պայմաններ Դեղը պետք է պահել չոր, լույսից պաշտպանված, երեխաների համար անհասանելի վայրում՝ ոչ բարձր քան 25 աստիճան C ջերմաստիճանում: