Բերոդուալ լ-թ ինհալյացիայի/համար 20մլ №1

Բերոդուալը օգտագործվում է շնչուղիների քրոնիկ օբստրուկտիվ հիվանդությունների կանխարգելման և սիմպտոմատիկ բուժման համար, որոնք ուղեկցվում են շրջելի բրոնխոսպազմով: Նման հիվանդություններից են բրոնխիալ ասթման և թոքերի քրոնիկ օբստրուկտիվ հիվանդությունը (ներառյալ քրոնիկ օբստրուկտիվ բրոնխիտը էմֆիզեմայով կամ առանց դրա): Բրոնխիալ ասթմայով հիվանդների մոտ Բերոդուալը պետք է կիրառել միայն անհրաժեշտության դեպքում: Թեթև ԽՈԲՀ-ի դեպքում սիմպտոմատիկ բուժումը կարող է նախընտրելի լինել կանոնավոր կիրառումից: Ինչպես ընդունել Բերոդուալ լուծույթը նախատեսված է միայն ինհալացիաների համար՝ նեբուլայզերի միջոցով: Բուժումը պետք է իրականացվի բժշկական հսկողության ներքո, օրինակ՝ ստացիոնար պայմաններում: Տնային բուժումը հնարավոր է միայն բժշկի հետ խորհրդակցելուց հետո, եթվ ցածր դոզայով արագ ազդող Betta-ագոնիստը բավարար արդյունավետ չէ: Դոզան ընտրվում է անհատապես՝ կախված նոպայի սրությունից: - Մեծահասակներ (ներառյալ տարեցները) և 12 տարեկանից բարձր դեռահասներ: Բրոնխոսպազմի սուր նոպաների դեպքում դոզաները կարող են տատանվել 1 մլ-ից (20 կաթիլ) մինչև 2.5 մլ (50 կաթիլ)՝ կախված նոպայի ծանրությունից: Առանձնապես ծանր դեպքերում հնարավոր է կիրառել մինչև 4 մլ (80 կաթիլ) դոզաներ: - Մինչև 6 տարեկան երեխաներ (մարմնի քաշը <22 կգ): Խորհուրդ է տրվում դեղամիջոցը կիրառել 0.1 մլ/կգ մարմնի քաշի դոզայով (առավելագույնը մինչև 0.5 մլ) 1 դոզայի համար՝ ֆիզիոլոգիական լուծույթով մինչև 3-4 մլ ծավալի նոսրացումից հետո, միայն բժշկական հսկողության ներքո: Բերոդուալի ինհալացիոն լուծույթը չի կարելի նոսրացնել թորած ջրով: Հակացուցումներ Բերոդուալ դեղամիջոցը չպետք է կիրառվի հետևյալ պայմանների առկայության դեպքում. - Ալերգիա ֆենոտերոլի, իպրատրոպիումի բրոմիդի, ատրոպինանման նյութերի կամ դեղամիջոցի ցանկացած բաղադրիչի նկատմամբ: - Հիպերտրոֆիկ օբստրուկտիվ կարդիոմիոպաթիա (սրտի մկանային հիվանդություն՝ ձախ փորոքից արտահոսքի ուղու նեղացմամբ): - Տախիառիթմիա (սրտի արագ զարկեր՝ անկանոն ռիթմով): - Հղիություն (առաջին եռամսյակ): Պահպանման պայմաններ Պահել 25 աստիճան C-ից ոչ բարձր ջերմաստիճանում: