Դենկ-Աիր դեղահաբ 10մգ №28

Կիրառում Մոնտելուկաստ դեղամիջոցը (Դենկ-Էյր դեղամիջոցի ակտիվ նյութը) օգտագործվում է բրոնխային ասթմայի կանխարգելման և երկարատև բուժման համար, ներառյալ հիվանդության ցերեկային և գիշերային ախտանիշների կանխարգելումը, բրոնխային ասթմայի բուժումը ացետիլսալիցիլաթթվի նկատմամբ գերզգայունություն ունեցող հիվանդների մոտ և ֆիզիկական ծանրաբեռնվածությամբ պայմանավորված բրոնխոսպազմի կանխարգելումը: Այն նաև օգտագործվում է սեզոնային և/կամ տարվա բոլոր եղանակներին դրսևորվող ալերգիկ ռինիտի ցերեկային և գիշերային ախտանիշները մեղմելու համար: Մոնտելուկաստի կիրառումը պետք է դիտարկել միայն այն դեպքերում, երբ բուժման այլ մեթոդներն անարդյունավետ են կամ չեն տանելի: Մոնտելուկաստի բերանացի ընդունման արդյունավետությունը բրոնխային ասթմայի սուր նոպաների բուժման գործում հաստատված չէ, ուստի այն խորհուրդ չի տրվում օգտագործել սուր նոպաները մեղմելու համար: Ինչպես ընդունել Բրոնխային ասթմայի բուժման համար դեղամիջոցը պետք է ընդունել օրը մեկ անգամ երեկոյան: Ալերգիկ ռինիտի բուժման ժամանակ դեղամիջոցը կարող է ընդունվել օրը մեկ անգամ ցանկացած ժամի՝ հիվանդի ցանկությամբ: 15 տարեկան և բարձր տարիքի մեծահասակների և երեխաների համար խորհուրդ է տրվում օրական մեկ դեղապատիճ, 10 մգ: Դեղապատիճը պետք է ամբողջությամբ կուլ տալ՝ խմելով փոքր քանակությամբ հեղուկ: Դեղաչափը բաց թողնելու դեպքում պետք է շարունակել դեղն ընդունել բուժման սովորական սխեմայով՝ օրը մեկ դեղապատիճ: Բաց թողնված դեղաչափը փոխհատուցելու համար կրկնակի դեղաչափ չպետք է ընդունել: Հակացուցումներ Մի օգտագործեք Մոնտելուկաստ (Դենկ-Էյր) դեղամիջոցը. - Մոնտելուկաստի կամ դեղամիջոցի ցանկացած այլ բաղադրիչի նկատմամբ ալերգիա ունեցող երեխաների մոտ: - Մոնտելուկաստ 10 մգ դեղամիջոցը հակացուցված է մինչև 15 տարեկան երեխաներին, քանի որ դեղամիջոցի անվտանգությունն ու արդյունավետությունը մինչև 15 տարեկան երեխաների մոտ հաստատված չեն: