Սաբրիլ դեղահաբ 500մգ №100

Կիրառում: Սաբրիլը կիրառվում է այլ հակաէպիլեպտիկ դեղամիջոցների հետ համակցությամբ՝ ռեզիստենտ պարցիալ էպիլեպսիա ունեցող պացիենտների բուժման համար՝ երկրորդային գեներալիզացիայով կամ առանց դրա, համապատասխան դեղամիջոցների համակցությունների անարդյունավետության կամ վատ տանելիության դեպքում: Այն նաև կիրառվում է որպես մոնոթերապիա ինֆանտիլ սպազմերի (Վեստի համախտանիշ) դեպքում: Ինչպես ընդունել: Սաբրիլ դեղամիջոցով թերապիան պետք է սկսի միայն էպիլեպտոլոգիայի, նյարդաբանության կամ մանկական նյարդաբանության մասնագետը: Հետագա բուժումը պետք է համաձայնեցվի և իրականացվի այդպիսի մասնագետի հսկողության ներքո: Սաբրիլը նախատեսված է օրական մեկ կամ երկու անգամ բերանային կիրառման համար և կարող է ընդունվել ուտելուց առաջ կամ հետո: Եթե փորձարկումից հետո վիգաբատրինով բուժումը չի ապահովում էպիլեպսիայի դրսևորումների կլինիկորեն զգալի բարելավում, այն չպետք է շարունակվի: Վիգաբատրինի կիրառումը պետք է աստիճանաբար դադարեցվի մշտական վերահսկողության ներքո: Դեղահաբային ձևը չի կիրառվում մինչև 6 տարեկան երեխաների մոտ՝ շնչուղիներ ընկնելու ռիսկի պատճառով: - Մեծահասակներ. Առավելագույն արդյունավետությունը սովորաբաբար դիտվում է 2-3 գ/օր դոզաների կիրառման դեպքում: Սկզբնական 1 գ/օր դոզան պետք է ավելացվի պացիենտի հակաէպիլեպտիկ դեղամիջոցների ընթացիկ սխեմային: Օրական դոզան պետք է տիտրվի 0,5 գ քայլով շաբաթական ընդմիջումներով՝ կախված կլինիկական արձագանքից և տանելիությունից: Հակացուցումներ: Գերզգայունություն վիգաբատրինի կամ դեղամիջոցի բաղադրության մեջ նշված ցանկացած օժանդակ նյութերի նկատմամբ: Պահպանման պայմաններ: Պահել սենյակային ջերմաստիճանում, երեխաների համար անհասանելի վայրում: