Դեպակին Խրոնո դեղահաբ 500մգ №30

Կիրառում Դեղամիջոցը նախատեսված է էպիլեպսիայի տարբեր ձևերի և տարբեր տիպի ցնցումների բուժման համար: Որպես մոնոթերապիա կամ այլ հակաէպիլեպտիկ դեղամիջոցների հետ համակցված. - Գեներալիզացված էպիլեպտիկ նոպաների բուժում (կլոնիկ, տոնիկ, տոնիկ-կլոնիկ, աբսանսներ, միոկլոնիկ, ատոնիկ): - Լենոքս-Գաստոյի համախտանիշ: - Մասնակի էպիլեպտիկ նոպաների բուժում (մասնակի նոպաներ՝ երկրորդային գեներալիզացիայով կամ առանց դրա): - Երկբևեռ աֆեկտիվ խանգարումների բուժում և կանխարգելում: Ինչպես ընդունել Դեպակին Քրոնո երկարատև ազդեցության դեղաձև է, որը թույլ է տալիս խուսափել արյան մեջ վալպրոյական թթվի կոնցենտրացիայի կտրուկ բարձրացումներից դեղն ընդունելուց հետո և ավելի երկար պահպանում է վալպրոյական թթվի կայուն կոնցենտրացիան արյան մեջ օրվա ընթացքում: Երկարատև ազդեցության Դեպակին Քրոնո 300 մգ կամ 500 մգ հաբերը կարելի է բաժանել՝ անհատապես ընտրված չափաբաժինը հեշտացնելու համար: Հաբերն ընդունում են ամբողջությամբ՝ չջարդելով և չծամելով: Օրական դոզան բժիշկն անհատապես է ընտրում: Էպիլեպտիկ նոպաների զարգացումը կանխելու համար դեղամիջոցը պետք է կիրառել նվազագույն արդյունավետ չափաբաժնով: Օրական դոզան սահմանվում է հիվանդի տարիքի և մարմնի քաշի համաձայն: Խորհուրդ է տրվում դոզայի աստիճանական ավելացում մինչև նվազագույն արդյունավետ դոզայի հասնելը: Օրական դոզան կարող է բաժանվել 1-2 ընդունման, նախընտրելի է սննդի ընթացքում: Մեկ ընդունումը հնարավոր է լավ վերահսկվող էպիլեպսիայի դեպքում: