Էուֆիլլին սրվակ 5մլ №10

Կիրառում Էուֆիլինը կիրառվում է բրոնխո-օբստրուկտիվ համախտանիշի դեպքում, որը դիտվում է բրոնխիալ ասթմայի, բրոնխիտի և թոքերի էմֆիզեմայի ժամանակ (հիմնականում նոպաները կանխելու համար): Այն օգտագործվում է նաև փոքր շրջանառության շրջանում զարկերակային գերճնշման դեպքում: Դեղամիջոցը ցուցված է իշեմիկ տիպի ուղեղի արյան շրջանառության խանգարումների դեպքում (համակցված թերապիայի կազմում ներգանգային ճնշումը նվազեցնելու համար) և ձախ փորոքային անբավարարության դեպքում՝ բրոնխոսպազմով և Չեյն-Ստոքսի տիպի շնչառական խանգարումներով (բարդ թերապիայի կազմում): Հակացուցումներ Էուֆիլինը հակացուցված է դեղամիջոցի նկատմամբ գերզգայունության դեպքում (այդ թվում՝ քսանտինի այլ ածանցյալների, ինչպիսիք են կոֆեինը, պենտօքսիֆիլինը, թեոբրոմինը): Հակացուցումներ են նաև արտահայտված զարկերակային հիպոթենզիան կամ հիպերտենզիան, պարոքսիզմալ տախիկարդիան, էքստրասիստոլիան, սրտի ռիթմի խանգարումներով միոկարդի ինֆարկտը, էպիլեպսիան, նոպայական պատրաստակամության բարձրացումը, հիպերտրոֆիկ օբստրուկտիվ կարդիոմիոպաթիան, թիրեոտոքսիկոզը, թոքերի այտուցը, ծանր կորոնար անբավարարությունը, լյարդային և/կամ երիկամային անբավարարությունը, հեմոռագիկ ինսուլտը, արյունազեղումը ցանցաթաղանթում, ինչպես նաև վերջին անամնեզում արյունահոսությունը: Լրացուցիչ՝ հակացուցումներ են տախիառիթմիաները, ստամոքսի և տասներկումատնյա աղիքի խոցային հիվանդությունը սրացման փուլում, հիպերացիդային գաստրիտը, էֆեդրինի հետ միաժամանակյա օգտագուծումը երեխաների մոտ, մանկական տարիքը (մինչև 3 տարեկան, երկարատև ազդող բերանային ձևերի համար՝ մինչև 12 տարեկան):