Լորիստա Հ դեղահաբ 50մգ /12.5մգ №28

Կիրառում Դեղամիջոց Լորիստա Հ-ը ցուցված է զարկերակային գերճնշման բուժման համար այն հիվանդների մոտ, ում մոտ ցուցված է համակցված թերապիա: Այն նաև կիրառվում է սիրտ-անոթային հիվանդացության և մահացության ռիսկը նվազեցնելու համար զարկերակային գերճնշում և ձախ փորոքի հիպերտրոֆիա ունեցող հիվանդների մոտ, ինչը դրսևորվում է սիրտ-անոթային մահացության, ինսուլտի և միոկարդի ինֆարկտի հաճախականության ընդհանուր նվազեցմամբ: Ինչպես ընդունել Դեղամիջոցն ընդունում են ներքին՝ անկախ սննդի ընդունումից, բավարար քանակությամբ ջրով, օրական մեկ անգամ: Լորիստա Հ-ը կարող է կիրառվել միաժամանակ այլ հիպոթենզիվ դեղամիջոցների հետ: Հիդրոքլորթիազիդ/լոզարտան համակցությունը ցուցված է այն հիվանդներին, ում մոտ հիդրոքլորթիազիդի կամ լոզարտանի առանձին կիրառման դեպքում չի ապահովվում զարկերակային ճնշման ադեկվատ վերահսկողություն: Խորհուրդ է տրվում լոզարտանի և հիդրոքլորթիազիդի դոզայի տիտրում՝ մինչև հիվանդին Լորիստա Հ դեղամիջոցով թերապիայի փոխադրելը: Հակացուցումներ Դեղամիջոց Լորիստա Հ-ն ունի հետևյալ հակացուցումները: - Բարձր զգայունություն դեղամիջոցի որևէ բաղադրիչի նկատմամբ: - Անուրիա: - Երիկամների ֆունկցիայի ծանր խանգարումներ (կրեատինինի քլիրենսը 30 մլ/րոպեից պակաս): - Լյարդի ֆունկցիայի ծանր խանգարումներ: - Միաժամանակյա կիրառում ալիսկիրենի հետ շաքարային դիաբետով կամ երիկամների ֆունկցիայի խանգարում ունեցող հիվանդների մոտ (կրեատինինի քլիրենսը 60 մլ/րոպեից պակաս): - Մինչև 18 տարեկան տարիք (կիրառման արդյունավետությունն ու անվտանգությունը չեն հաստատվել): - Հիպոկալիեմիա կամ հիպերկալցիեմիա, որոնք դիմացկուն են թերապիային: - Ռեֆրակտեր հիպոնատրիեմիա: - Ախտանիշային հիպերուրիկեմիա/պոդագրա: - Լակտազի դեֆիցիտ, լակտոզայի անտանելիություն, գլյուկոզա-գալակտոզային մալաբսորբցիայի սինդրոմ, քանի որ Լորիստա Հ դեղամիջոցի կազմում կա լակտոզա: - Հղիություն: - Կրծքով կերակրման շրջան: Պահպանման պայմաններ Պահել 25 աստիճան C-ից ոչ բարձր ջերմաստիճանում, օրիգինալ փաթեթավորմամբ (բլիստեր): Պահել երեխաների համար անհասանելի վայրում: