Կետիլեպտ դեղահաբ 200մգ №60

Կիրառում Կետիլեպտը կիրառվում է սուր և քրոնիկ փսիխոզների, ներառյալ շիզոֆրենիայի բուժման համար: - Ինչպես ընդունել Կետիլեպտը պետք է ընդունել ներքին ընդունմամբ օրական 2 անգամ՝ անկախ սննդի ընդունումից: - Մեծահասակներ: - Սուր և քրոնիկ փսիխոզների, ներառյալ շիզոֆրենիայի բուժում: Թերապիայի առաջին 4 օրվա ընդհանուր օրական դեղաչափը կազմում է՝ 1-ին օրը՝ 50 մգ, 2-րդ օրը՝ 100 մգ, 3-րդ օրը՝ 200 մգ և 4-րդ օրը՝ 300 մգ: 4-րդ օրվանից սկսած և հետագայում դեղաչափը պետք է աստիճանաբար հասցնել օրական 300-450 մգ սովորական արդյունավետ դեղաչափի սահմաններին: Կլինիկական արդյունավետությունից և բուժման անհատական տանելիությունից կախված՝ դեղաչափը կարող է ճշգրտվել օրական 150-750 մգ սահմաններում: - Աջակցող թերապիա: Անհրաժեշտ է օգտագործել դեղամիջոցի նվազագույն արդյունավետ դեղաչափը: - Տարեց հիվանդներ: Կետիլեպտը պետք է կիրառել զգուշությամբ, հատկապես բուժման կուրսի սկզբում: Սկզբնական դեղաչափը կազմում է օրական 25 մգ: Դեղաչափը պետք է ավելացնել օրական 25-50 մգ-ով մինչև արդյունավետ դեղաչափի հասնելը, որը սովորաբար ավելի ցածր է, քան երիտասարդ հիվանդների մոտ: - Կետիլեպտի ընդունման ժամանակ պետք է խուսափել ալկոհոլային խմիչքների օգտագործումից: Խորհուրդ չի տրվում խմել գրեյպֆրուտի հյութ Կետիլեպտով բուժման ընթացքում, քանի որ այն կարող է փոխել տվյալ դեղամիջոցի արդյունավետությունը: - Հակացուցումներ Մի ընդունեք Կետիլեպտը, եթե դուք ընդունում եք. - ՄԻԱՎ վարակի բուժման համար նախատեսված դեղեր; - ազոլների խմբի որոշ հակասնկային միջոցներ; - այնպիսի հակաբիոտիկներ, ինչպիսիք են էրիթրոմիցինը կամ կլարիթրոմիցինը; - նեֆազոդոն (կիրառվում է դեպրեսիայի բուժման համար): Նաև չպետք է ընդունել Կետիլեպտը, եթե դուք տարեց մարդ եք, ով տառապում է դեմենցիայով, քանի որ այն դեղամիջոցների խումբը, որին պատկանում է Կետիլեպտը, կարող է մեծացնել ինսուլտի կամ, որոշ դեպքերում, մահվան ռիսկը տարեց պացիենտների մոտ դեմենցիայով: Պահպանման պայմաններ Պահել ոչ բարձր քան 25 աստիճան C ջերմաստիճանում, երեխաների համար անհասանելի վայրում: