Արիպրազոլ դհտ 10մգ №30

Կիրառում: Արիպիպրազոլը ցուցված է մեծահասակների մոտ շիզոֆրենիայի բուժման համար: Դեղը նաև կիրառվում է բիպոլյար I տիպի խանգարման ժամանակ միջին և ծանր մանիակալ դրվագների բուժման, ինչպես նաև մեծահասակների մոտ նոր մանիակալ դրվագների կանխարգելման համար, ովքեր նախկինում ունեցել են մանիակալ դրվագներ և արձագանքել են արիպիպրազոլով բուժմանը: Ինչպես ընդունել: Առաջարկվող սկզբնական դոզան օրական մեկ անգամ 10 մգ-ից մինչև 15 մգ է: Աջակցող դոզան օրական 15 մգ է: Դոզան կարող է ավելացվել մինչև օրական 30 մգ՝ կախված կլինիկական ցուցումներից: 5 մգ դեղաչափի անհրաժեշտության դեպքում Արիպրազոլ 10 մգ դեղահաբը կարելի է բաժանել երկու հավասար մասի ըստ գծի: Դեղը ընդունվում է բերանացի, անկախ սննդի ընդունումից: Հակացուցումներ: - Բարձր զգայունություն արիպիպրազոլի կամ դեղի այլ բաղադրիչների նկատմամբ: - Մինչև 18 տարեկան տարիքը (արդյունավետությունը և անվտանգությունը հաստատված չեն): - Կրծքով կերակրման շրջան: - Լակտազայի դեֆիցիտ, լակտոզայի անտանելիություն, գլյուկոզա-գալակտոզայի մալաբսորբցիայի համախտանիշ, քանի որ դեղը պարունակում է լակտոզա: Զգուշությամբ պետք է կիրառել դեղը սիրտ-անոթային համակարգի հիվանդություններով (սրտի իշեմիկ հիվանդություն կամ տարած ինֆարկտ, սրտի քրոնիկ անբավարարություն և հաղորդականության խանգարումներ), ցերեբրովասկուլյար խանգարումներ ունեցող հիվանդների մոտ, ինչպես նաև այն պայմաններում, որոնք նախատրամադրում են հիպոթենզիայի (ջրազրկում, հիպովոլեմիա, հիպոթենզիվ դեղերի ընդունում) կամ հիպերտենզիայի, ներառյալ պրոգրեսիվող և չարորակ: Զգուշություն պետք է ցուցաբերել նաև QT ինտերվալի երկարացման անամնեզի դեպքերի առկայության դեպքում: Պահպանման պայմաններ: Պահել երեխաների համար անհասանելի վայրում: Պահել օրիգինալ փաթեթավորմամբ՝ ոչ բարձր քան 25 աստիճան C ջերմաստիճանում: